బీహర్‌లో పంకజ్‌మిశ్రా అనే జర్నలిస్టుపై కాల్పులు

పాట్నా: బెంగుళూరులో ప్రముఖ ఎడిటర్ గౌరీ లంకేష్‌ను కాల్చి చంపిన రెండు రోజులకే బీహర్‌లో పంకజ్ మిశ్రా అనే జర్నలిస్టుపై దుండగులు కాల్పులు జరిపారు. ఈ ఘటనలో ఆయన తీవ్రంగా గాయపడ్డారు. ఈ ఘటనలో ఇద్దరిని అరెస్ట్ చేశారు.

బెంగళూరులో మంగళవారం రాత్రి ప్రముఖ పాత్రికేయురాలు, రచయిత్రి గౌరీ లంకేశ్‌ను దారుణంగా కాల్చి చంపిన ఘటన మరువక ముందే బిహార్‌లో మరో ఘటన కలకలం రేపింది.

బిహార్‌లోని అరవల్‌లో పాత్రికేయుడు పంకజ్‌ మిశ్రాపై దుండగులు కాల్పులకు తెగబడ్డారు. ఈ కాల్పులో గాయపడిన మిశ్రా ఆరోగ్య పరిస్థితి విషమంగా ఉన్నట్టు సమాచారం. మిశ్రా ప్రస్తుతం రాష్ట్రీయ సహారా పత్రికలో పనిచేస్తున్నారు.

కాల్పులు జరిపిన ఇద్దరు దుండగులను పోలీసులు అదుపులోకి తీసుకొని విచారిస్తున్నారు.అయితే నిందితులు ఈ ఘటనకు ఎందుకు పాల్పడ్డారనే విషయం మాత్రం వెలుగులోకి రాలేదు.

English summary

On Thursday, Pankaj Mishra, a journalist with the Hindi newspaper Rashtriya Sahara, was shot at in Bihar's Arwal district, by two bike-borne men. So far one arrest has been made in connection with the case.