పుతిన్ అణు యుద్ధాన్ని ఆపింది ప్రధాని మోదీయే: పోలాండ్ సంచలన ప్రకటన!
ప్రపంచ దేశాలను అణ్వాయుధ ముప్పు నుంచి రక్షించడంలో భారత్ ఎంతటి కీలక పాత్ర పోషించిందో తెలిపే ఓ సంచలన విషయాన్ని పోలాండ్ వెల్లడించింది. 2002 చివరలో రష్యా ఉక్రెయిన్ యుద్ధంలో రష్యా అధ్యక్షుడు వ్లాదిమిర్ పుతిన్ అణ్వాయుధాలను ఉపయోగించకుండా అడ్డుకోవడంలో ప్రధాని నరేంద్ర మోదీ కీలక పాత్ర పోషించారని పోలాండ్ ఉప విదేశాంగ మంత్రి వ్లాడిస్లావ్ టియోఫిల్ బార్టోషెవ్స్కీ సంచలన ప్రకటన చేశారు. ఢిల్లీలో జరిగిన భారత్-పోలాండ్ సంయుక్త ఆర్థిక కమిషన్ సమావేశం అనంతరం జరిగిన విలేకరుల సమావేశంలో ఆయన ఈ ప్రకటన చేశారు.
పుతిన్ శ్రద్ధగా వినే కొద్ది మంది ప్రపంచ నాయకులలో ప్రధాని మోదీ ఒకరని బార్టోషెవ్స్కీ అన్నారు. ప్రధాని మోదీ అంతర్జాతీయంగా ఎంతో గౌరవించబడే ప్రపంచ నేత అని.. ఇండియాకు రష్యాతో.. అంతకుముందు సోవియట్ యూనియన్తో దీర్ఘకాలంగా సన్నిహిత సంబంధాలు ఉన్నాయని ఆయన వెల్లడించారు. ప్రధాని నరేంద్ర మోదీ చెప్పే విషయాలపై రష్యా అధ్యక్షుడు పుతిన్ నిజంగా శ్రద్ధ చూపుతారని ఆయన అన్నారు. 2022 చివర్లో ఉక్రెయిన్లో అణ్వాయుధాలను ఉపయోగించకుండా పుతిన్ను అడ్డుకోవడం ద్వారా ప్రధాని మోదీ ఈ ప్రభావాన్ని చూపారని ఆయన పేర్కొన్నారు.
ఈ ప్రకటన ఇప్పుడు నాలుగో సంవత్సరంలోకి ప్రవేశించిన ఉక్రెయిన్ వివాదం విషయంలో ప్రధాని మోదీ చేస్తున్న దౌత్యపరమైన ప్రయత్నాలను మరోసారి వెలుగులోకి తెచ్చింది. 2022 సెప్టెంబర్లో ఉజ్బెకిస్తాన్లో జరిగిన షాంఘై సహకార సంస్థ సమావేశంలో.. నేడు యుద్ధానికి సమయం కాదని ప్రధాని మోదీ పుతిన్తో అన్నారు. భారత్ నిరంతరం సంప్రదింపులు, దౌత్యానికి ప్రాధాన్యతనిస్తూ.. రష్యాపై పాశ్చాత్య దేశాలు విధించిన ఆంక్షలలో చేరడానికి నిరాకరించింది. ప్రధాని మోదీ రష్యా అధ్యక్షుడు వ్లాదిమిర్ పుతిన్, ఉక్రెయిన్ అధ్యక్షుడు వోలోడిమిర్ జెలెన్స్కీ ఇద్దరినీ కలిశారు. ఆయన 2024లో కీవ్ను కూడా సందర్శించారు.
అమెరికా, ఐరోపా దేశాల నుంచి ఒత్తిడి ఉన్నప్పటికీ.. ఇంధన భద్రతకు మూలంగా పేర్కొంటూ భారత్ రష్యా నుంచి తక్కువ ధరలకే చమురును కొనసాగిస్తోంది. గత నెలలో పుతిన్ కూడా ఇండియాను ఓ గొప్ప దేశంగా ప్రశంసించి, దాని స్వతంత్ర విదేశాంగ విధానానికి మద్దతు తెలిపారు.ఇరాన్ యుద్ధంపై భారత వైఖరిని బార్టోషెవ్స్కీ ప్రశంసించడంతో పాటు, ఐక్యరాజ్యసమితి భద్రతా మండలిలో శాశ్వత సభ్యత్వం కల్పించాలన్న భారతదేశ డిమాండ్కు తన మద్దతును పునరుద్ఘాటించారు.
Click it and Unblock the Notifications
Sign in with Google