ఐటీ దాడులు: శశికళ వదిన ఇళవరసి కుమార్తె ఇంటిలో సోదాలు, విచారణకు హాజరైన అల్లుడు !

అన్నాడీఎంకే పార్టీ నుంచి శాస్వతంగా బహిష్కారానికి గురైన శశికళ వదిన ఇళరవసి అల్లుడు రాజరాజన్ ను ఆదాయపన్ను శాఖ అధికారులు విచారణ చేసి వివరాలు సేకరించారు. శుక్రవారం చెన్నైలోని నుంగంబాక్కంలోని ఐటీ శాఖ కార్యా

చెన్నై: అన్నాడీఎంకే పార్టీ నుంచి శాస్వతంగా బహిష్కారానికి గురైన శశికళ వదిన ఇళరవసి అల్లుడు రాజరాజన్ ను ఆదాయపన్ను శాఖ అధికారులు విచారణ చేసి వివరాలు సేకరించారు. శుక్రవారం చెన్నైలోని నుంగంబాక్కంలోని ఐటీ శాఖ కార్యాయంలో ఇళవరసి అల్లుడు రాజరాజన్ హాజరైనాడు.

ఇళవరసి కుమార్తె కృష్ణ ప్రియ ఇంటిలో ఐదు రోజుల పాటు సోదాలు చేసిన ఆదాయపన్ను శాఖ అధికారులు కొన్ని రూ. వందల కోట్ల విలువైన అక్రమాస్తులు సంపాధించారని గుర్తించారు. కృష్ణ ప్రియ, ఆమె సోదరుడు వివేక్ ఇంటిలో దాదాపు రూ. 1, 430 కోట్ల విలువైన అక్రమాస్తులు గుర్తించారు.

రూ. 1, 430 కోట్ల విలువైన ఆస్తుల పత్రాలకు ఆదాయపన్ను శాఖలో లెక్కలు లేవని అధికారులు అంటున్నారు. కృష్ణ ప్రియ, వివేక్ ఇంటిలో స్వాధీనం చేసుకున్న ఆస్తుల పత్రాలకు, ఇళవరసి అల్లుడు రాజరాజన్ కు సంబంధం ఉందని వెలుగు చూడటంతో ఆయనకు నోటీసులు జారీ చేశారు.

శుక్రవారం విచారణకు హాజరుకావాలని రాజరాజన్ కు ఆదాయపన్ను శాఖ ఆదేశాలు జారీ చేసింది. ఐటీ శాఖ అధికారుల ఆదేశాల మేరకు రాజరాజన్ విచారణకు హాజరైనారు. ఆదాయన్ను శాఖ సోదాలు తుస్సుమన్నాయని, అవి పేలలేదని టీటీవీ దినకరన్ ఎద్దేవ చేస్తున్నారు.

English summary

IT Raids, Ilavarasi son-in-law Rajarajan today appeared before the Incom Tax Officers.