ఇస్రో ఛైర్మన్ శివన్ కన్నీరు..ప్రధాని ఓదార్పు: భుజం..వెన్ను తట్టి :నెటిజెన్ల ప్రశంసలు ..!!

చంద్రయాన్ -2 ప్రయోగం చివరి దశలో ఏర్పడిన లోపంతో ఉద్వేగ పరిస్థితులు ఏర్పడ్డాయి. ఇస్రో ఛైర్మన శివన్ కన్నీరు పెట్టుకున్నారు. ఊహించని విధంగా ప్రధాని స్పందించారు. కన్నీటి పర్యంతమైన శివన్ ను ప్రధాని హత్తుకొని ఓదార్చారు. భుజం.. వెన్ను తట్టి ధైర్యం చెప్పారు. భారతమాత కోసం శాస్త్రవేత్తలు ఎన్నో త్యాగాలు చేశారని.. వారి కుటుంబాలకు తమ సెల్యూట్‌ చేసారు. ఇదెంత మాత్రం వెనుకడుగు కానే కాదని.. శాస్త్రవేత్తలు చేసిన పరిశోధనలకు గర్వపడుతున్నామని మోదీ పేర్కొన్నారు.

ఇక..ఇస్రో శాస్త్రవేత్తలకు పౌరులు పెద్ద ఎత్తున ప్రశంసలతో ముంచెత్తారు. వ్యాఖ్యానించారు. చంద్రుడిపై ఉపగ్రహాన్ని పంపించేందుకు నాసా పదిసార్లు ప్రయత్నించి విఫలమైందని, కాని మన ఇస్రో శాస్త్రవేత్తలు చంద్రయాన్ ను చంద్రుడికి అత్యంత సమీపకక్ష దాకా వెళ్లిందంటూ అభినందనలతో ముంచెత్తారు.

శివన్ కన్నీరు..ప్రధాని భుజం తట్టి...
ప్రతిష్ఠాత్మకంగా భావించిన చంద్రయాన్ -2 ప్రయోగం చివరి దశలో ఏర్పడిన లోపంతో ఇస్రో ఛైర్మన్ శివన్ కన్నీటీ పర్యంతమయ్యారు. భారత ప్రధాని మోదీ వెంటనే స్పందించారు. అక్కడే ఉన్న ఆయన శివన్ ను హత్తుకున్నారు. ఓదార్చారు. శివన్ భుజం.. వెన్ను తట్టి ధైర్యం చెప్పారు. భారత అంతరిక్ష పరిశోధన సంస్థ ఇస్రో అత్యంత ప్రతిష్ఠాత్మకంగా చేపట్టిన చంద్రయాన్‌-2 చివరి ఘట్టంలో ల్యాండర్‌తో కమ్యూనికేషన్‌ తెగిపోవడంతో శివన్ తో పాటు ఇస్రో శాస్త్రవేత్తలు నిరాశకు గురయ్యారు. నిరాశపడిన ఇస్రో ఛైర్మన్ శివన్‌తోపాటు శాస్త్రవేత్తలను ప్రధాని మోదీ వారి అంకిత భావాన్ని..

సమర్ధతను అభినందించారు. దేశం పట్ల శాస్త్రవేత్తలకు ఉన్న నిబద్ధత ఎంతో గర్వించదగిందన్నారు. చంద్రుడికి మనం దగ్గరగా వెళ్లామని.. భవిష్యత్‌లో మనం మరిన్ని ప్రయోగాలు చేయాలన్నారు. ఇదెంత మాత్రం వెనుకడుగు కానే కాదని.. శాస్త్రవేత్తలు చేసిన పరిశోధనలకు గర్వపడుతున్నామని మోదీ పేర్కొన్నారు. మీరు సంతోషించే మరెన్నో అవకాశాలు మున్ముందు వస్తాయన్నారు. ఈ రోజు మనకు ఎదురైన పాఠాలు... మనల్ని మరింత ధృఢంగా తీర్చిదిద్దుతాయన్నారు. ప్రతి సమస్య మనకు కొత్త విషయాలను నేర్పుతుందన్నారు. సాధించిన ఫలితాలతోపాటు... సాగించిన కృషి కూడా గుర్తించాలన్నారు. చంద్రయాన్‌-2 విషయంలో శాస్త్రవేత్తలు గొప్ప ప్రయత్నం చేశారని ప్రసంశించారు. సైన్స్‌లో ఫెయిల్యూర్‌ అనే మాటే లేదన్నారు. మన విజయాలకు భారీ కొలమానాలు పెట్టుకోవాలని ప్రధాని మోదీ పేర్కొన్నారు.

#WATCH PM Narendra Modi hugged and consoled ISRO Chief K Sivan after he(Sivan) broke down. #Chandrayaan2 pic.twitter.com/R1d0C4LjAh

— ANI (@ANI) September 7, 2019

నెటిజెన్ల ప్రశంసలు..సెల్యూట్
ప్రపంచ వ్యాప్తంగా ఆసక్తిగా తిలకించిన చంద్రయాన్‌-2కు ఆఖరి కణాల్లో అవరోధం ఏర్పడటంతో నిరాశ చెందిన ఇస్రో శాస్త్రవేత్తలకు నెటిజన్లు బాసటగా నిలిచారు. వారి సమర్ధతను కీర్తించారు. చంద్రుడిపై ఉపగ్రహాన్ని పంపించేందుకు నాసా పదిసార్లు ప్రయత్నించి విఫలమైందని, కాని మన ఇస్రో శాస్త్రవేత్తలు చంద్రయాన్ ను చంద్రుడికి అత్యంత సమీపకక్ష దాకా వెళ్లిందని నెటిజన్ సోషల్ మీడియాలో వ్యాఖ్యానించారు. స్రో శాస్త్రవేత్తలు రాకెట్ శాస్త్ర సైన్సులో దేశం గర్వపడేలా ప్రయత్నాలు చేసిందని మరో నెటిజన్ సోషల్ మీడియాలో వ్యాఖ్యానించారు.ఇస్రో శాస్త్రవేత్తలు సాధించిన ఘన విజయం చంద్రయాన్-2 ప్రయోగమని భవిష్యత్ లో మరిన్ని విజయాలు సాధించవచ్చని జై హింద్ అంటూ ఓ నెటిజన్ ట్వీట్ చేశారు. చంద్రయాన్ -2 మిషన్ 93 శాతం విజయం సాధించిందని, చివరి 2.1 కిలోమీటర్ల దూరం దాకా వెళ్లి ఆగిపోయిందని ఓ ట్విట్టర్ యూజర్ వ్యాఖ్యానించారు. ఇస్రో శాస్త్రవేత్తలను సోషల్ మీడియాలో నెటిజన్లు అభినందనలు..ప్రశంసలతో వారికి అండగా నిలుస్తూ.. మద్దతు ప్రకటించారు.

#WATCH PM Narendra Modi hugged and consoled ISRO Chief K Sivan after he(Sivan) broke down. #Chandrayaan2 pic.twitter.com/bytNChtqNK

— ANI (@ANI) September 7, 2019

English summary

isro chairman Sivan emotional on last minute problem in Chandrayan-2. PM Modi Hug Sivan and given appreciation on scientists efforts. In social media netizens supported ISRO effort.