• search

జర్నలిస్టు హత్య కేసు: ఛోటా రాజన్‌ను దోషిగా తేల్చిన కోర్టు

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    న్యూఢిల్లీ: ఏడేళ్ల క్రితం సంచలనం సృష్టించిన జర్నలిస్టు జ్యోతిర్మయి డే(56) హత్య కేసులో గ్యాంగ్‌స్టర్‌ ఛోటా రాజన్‌ దోషి అని కోర్టు తేల్చింది. మాజీ జర్నలిస్ట్‌ జిగ్నా వోరాను నిర్దోషిగా విడుదల చేసింది. ముంబైలోని ప్రత్యేక సీబీఐ న్యాయస్థానం ఈ తీర్పు వెలువరించింది. బుధవారం సాయంత్రం శిక్ష ఖరారు చేయనుంది.

    ప్రముఖ క్రైం రిపోర్టర్‌ అయిన జ్యోతిర్మయి డే మిడ్‌డే పత్రికలో పనిచేసేవారు. 2011జూన్‌లో తన ఇంటి సమీపంలోనే ఆయనను తుపాకీతో కాల్చి చంపేశారు. ఈ ఘటన దేశం మొత్తాన్ని షాక్‌కు గురిచేసింది.

    J Dey murder case verdict: Chhota Rajan convicted, sentencing at 5 PM today

    గ్యాంగ్‌స్టర్‌ ఛోటా రాజన్‌ జర్నలిస్ట్‌ను హత్య చేయాలని ఆదేశించాడని అధికారులు దర్యాప్తులో గుర్తించారు. 20 మంది గ్యాంగ్‌స్టర్లకు సంబంధించిన సమాచారంతో జ్యోతిర్మయి డే ఓ పుస్తకం రాయాలనుకున్న నేపథ్యంలో ఛోటా రాజన్‌ ఈ హత్యకు పురమాయించాడు.

    జ్యోతిర్మయి డేను హత్య చేసేందుకు ఛోటా రాజన్‌.. రూ.5లక్షలకు ఒప్పందం కుదుర్చుకున్నాడని, కాంట్రాక్ట్‌ కిల్లర్‌ను నియమించాడని పోలీసులు దర్యాప్తు అనంతరం వెల్లడించారు. ఆ తర్వాత పోలీసులు 'ది ఏషియన్‌ ఏజ్'‌కు చెందిన బ్యూరో చీఫ్‌ జిగ్నా వోరాను అరెస్ట్‌ చేయడంతో కేసు మరో మలుపు తిరిగింది. వోరా.. ఛోటా రాజన్‌తో టచ్‌లో ఉన్నాడని, ఆయనే జ్యోతిర్మయి డేను చంపాలని రెచ్చగొట్టాడని పోలీసులు తెలిపారు.

    ఈ క్రమంలో 2015 నవంబరులో అధికారులు ఛోటా రాజన్‌ను ఇండోనేషియాలో పట్టుకుని భారత్‌కు తీసుకొచ్చారు. రాజన్‌ ప్రస్తుతం దిల్లీలోని తీహార్‌ జైల్లో ఉంటున్నాడు. జిగ్నా వోరాను కోర్టు నిర్దోషిగా ప్రకటించగా.. జర్నలిస్టును కాల్చి చంపిన షూటర్స్‌ సతీష్‌కలియా, అనిల్‌ వాఘ్‌మోడే, అరుణ్‌ ఫకే, మంగేశ్‌ అగవానేలను కోర్టు దోషులుగా నిర్ధారించింది. వీరికి శిక్షలు ఖరారు చేయాల్సి ఉంది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    A special Mumbai court on Wednesday convicted underworld gangster Chhota Rajan and 9 others in the murder case of Mid-Day crime reporter Jyotirmoy Dey. However, Jigna Vora, a fellow journalist, who was alleged to have instigated Rajan against Dey was acquitted by the Mumbai court. The Quantum of punishment likely to be pronounced at 5 pm today.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more