జైలు జీవితం నుంచి రిటైర్డ్ జస్టిస్ కర్ణన్‌కు విముక్తి.. నేడు విడుదల

సుప్రీంకోర్టునే ధిక్కరించిన కేసులో జైలుపాలైన కోల్‌కతా హైకోర్టు రిటైర్డ్ జడ్జి సీఎస్ కర్ణన్ బుధవారం ప్రెసిడెన్సీ జైలు నుంచి విడుదల కానున్నారు. కోర్టు ధిక్కార నేరం కింద ఆయనకు ఆరు నెలల జైలుశిక్ష పడింది.

కోల్‌కతా: సుప్రీంకోర్టునే ధిక్కరించిన కేసులో చివరికి జైలుపాలైన కోల్‌కతా హైకోర్టు రిటైర్డ్ జడ్జి సీఎస్ కర్ణన్ బుధవారం ప్రెసిడెన్సీ జైలు నుంచి విడుదల కానున్నారు. కోర్టు ధిక్కార నేరానికి పాల్పడటం ద్వారా కర్ణన్ కొద్దికాలం క్రితం వరకూ వార్తల్లో ప్రముఖంగా నిలిచారు.

కోర్టు ధిక్కారం కేసులో అరెస్టుకు ముందు తాత్కాలిక బెయిల్ కోసం చేసుకున్న విజ్ఞప్తిని సైతం అత్యున్నత న్యాయస్థానం నిరాకరించడంతో ఆయన అరెస్టు అనివార్యమైంది. తమిళనాడులోని కోయంబత్తూరులో గత జూన్ 20న కోల్‌కతా పోలీసులు కర్ణన్‌ను అరెస్టు చేశారు.

కోర్టు ధిక్కార నేరం కింద ఆయనకు ఆరు నెలల జైలు శిక్ష పడింది. తన శిక్ష రద్దు చేయాల్సిందిగా ఆయన చేసిన విజ్ఞప్తిని కూడా కోర్టు గత మే 19న తిరస్కరించింది. అప్పటి నుంచి ఆయన ప్రెసిడెన్సీ జైలులో ఉంటున్నారు.

అత్యున్నత పదవిలో ఉన్న ఓ సిట్టింగ్ జడ్జికి జైలు శిక్షపడటం దేశ న్యాయ చరిత్రలో ఇదే ప్రథమం. తనను అరెస్టు చేయడం ఖాయం అని తెలియగానే కర్ణన్ కొన్ని రోజులపాటు అదృశ్యమైనా చివరికి లొంగిపోయారు.

English summary

Former Calcutta High Court judge C S Karnan is set to be released tomorrow after serving a six month jail sentence, which was handed out to him by the Supreme Court for contempt. Mr Karnan was arrested from Coimbatore in Tamil Nadu on June 20 after he evaded the police for over a month. His wife, Saraswati Karnan, who resides in Chennai, is scheduled to arrive in the city this evening, along with her elder son. "He (Karnan) is scheduled to be released tomorrow. I am coming to Kolkata to accompany him back to Chennai," Saraswati Karnan told PTI over phone.