• search

ఆ ఆలోచన దేశానికి ప్రమాదకరం: మోడీకి కమల్ వీడియో ట్వీట్

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    చెన్నై: కావేరీ మేనేజ్‌మెంట్ బోర్డు కోసం తమిళనాడు రాష్ట్ర వ్యాప్తంగా ఆందోళనలు జరుగుతున్న నేపథ్యంలో ప్రముఖ నటుడు, మక్కల్ నీది మయ్యం అధ్యక్షుడు కమల్ హాసన్ ప్రధాని నరేంద్ర మోడీని ఉద్దేశిస్తూ ఓ ట్వీట్ వీడియోలో చేశారు.

    ఈ ట్వీట్ వీడియోలో.. 'గౌరవనీయులైన ప్రధానమంత్రికి.. తమిళనాడు ప్రజలు న్యాయం కోసం పోరాడుతున్నారు. న్యాయం వచ్చింది కానీ, దానిని అమలు చేయడం లేదు. కర్ణాటక ఎన్నికలు దగ్గరపడుతున్న నేపథ్యంలో కావేరీ విషయంలో కేంద్రం ఆలస్యం చేస్తోందని ప్రజలు భావిస్తున్నారు. ఆ ఆలోచన దేశానికి ప్రమాదకరం, అవమానకరం. ఇది మారుతుందని ఆశిస్తున్నాను' అని కమల్ పేర్కొన్నారు.

    Kamal Haasan writes open letter to Modi on Cauvery management issue

    అంతేగాక, 'మీరు(మోడీ) గుజరాత్‌కు ముఖ్యమంత్రిగా వ్యవహరిస్తున్నప్పుడు నర్మద జలాలను నాలుగు రాష్ట్రాలకు సమానంగా పంచిన అనుభవం మీకు ఉంది. ఓ బాధ్యతగల ప్రధానమంత్రిగా మా తమిళనాడు ప్రజలకు కావేరీ నిర్వహణ మండలి ఏర్పాటుచేసేలా చూడండి. మీ బాధ్యతను నిర్వర్తిస్తారని ఆశిస్తున్నాను. కావేరీ జలాల విషయంలో సుప్రీం కోర్టు ఇచ్చిన తీర్పుతో కేరళ, పుదుచ్చేరి రాష్ట్రాలకూ సమానమైన నీటి వాటా దక్కాలి. ఈ విషయంలో త్వరగా చర్యలు తీసుకుంటారని ఆశిస్తున్నాను. మీ కమల్‌హాసన్‌' అని తెలిపారు.

    కాగా, గురువారం తమిళనాడులో ప్రధాని నరేంద్ర మోడీ పర్యటిస్తున్న నేపథ్యంలో కావేరీ జలాల ఆందోళనలు మిన్నంటాయి. రాష్ట్రంలో కావేరీ నిర్వహణ మండలి ఏర్పాటుచేయాలని తమిళనాడు ప్రజలు, నేతలు, ప్రముఖులు నిరసన వ్యక్తం చేశారు. ప్రధాని పర్యటన నేపథ్యంలో నల్ల జెండాలతో నిరసన తెలుపుతూ, నల్ల బెలూన్లను ఎగురవేశారు. మోడీగోబ్యాక్ అంటూ నినాదాలు చేశారు.

    మరోపక్క కావేరీ వివాదం పరిష్కారమయ్యేవరకూ ఐపీఎల్‌ మ్యాచ్‌లు చెన్నైలో నిర్వహించకూడదని ఆందోళనకారులు డిమాండ్ చేస్తున్నారు. దీంతో చెన్నైలో జరగాల్సిన ఐపీఎల్ మ్యాచ్‌లను హైదరాబాద్ లేదా విశాఖపట్నం తరలించేందుకు ప్రయత్నాలు చేస్తోంది బీసీసీఐ.

    కాగా, కావేరి ఆందోళనలపై ప్రముఖ నటుడు రజనీకాంత్‌ కూడా ఇప్పటికే స్పందించారు. తమిళుల ఆందోళనకు మద్దతు ఇవ్వాలని, ఐపీఎల్‌ మ్యాచ్‌లు ఆడేటప్పుడు చెన్నై జట్టు సభ్యులు, వీక్షకులు నలుపు రంగు బ్యాండ్‌లు కట్టుకోవాలని విజ్ఞప్తి చేశారు. కాగా, కావేరీ బోర్డు విషయమై సుప్రీం కోర్టు రెండ్రోజుల క్రితం.. ముసాయిదాను రూపొందించి మే 3 కల్లా తమకు అందివ్వాలని కేంద్రాన్ని ఆదేశించింది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Actor-turned-politician Kamal Haasan on Thursday wrote an open letter to Prime Minister Narendra Modi expressing his displeasure over the delay in the formation of Cauvery Water Management Board.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more