లినీ కుటుంబానికి సర్కార్ బాసట, భర్తకు ఉద్యోగం,రూ. 20 లక్షల పరిహారం

తిరువనంతపురం :నిపా పేషెంట్లకు వైద్య సేవలు అందిస్తూ అదే వ్యాధికి గురైన లిని అనే నర్సు కేరళలో మృతి చెందింది. అయితే లినీ కుటుంబానికి కేరళ ప్రభుత్వం అండగా ఉంటామని ప్రకటించింది. నర్సు లినీ భర్త సజీశ్‌కు ప్రభుత్వ ఉద్యోగంతో పాటు ఇద్దరు పిల్లలకు చెరో రూ.10 లక్షలను కేటాయించనున్నట్టు సీఎం విజయన్ ప్రకటించారు.

కేరళ మంత్రివర్గం సమావేశమై ఈ మేరకు నిర్ణయం తీసుకొంది. ప్రాణాలను ఫణంగా పెట్టి లినీ తన వృత్తిని నిర్వహించిన విషయాన్ని కేరళ సర్కార్ ప్రస్తావించింది. దీంతో లినీ భర్తకు ప్రభుత్వ ఉద్యోగంతో పాటు వారి ఇద్దరు పిల్లలకు కూడ రూ.10 లక్షల చొప్పున పరిహారాన్ని చెల్లించాలని సర్కార్ నిర్ణయం తీసుకొంది.

నిపా వైరస్ వ్యాధిబారిన పడి మరణించిన కుటుంబాలకు రూ.5 లక్షల చొప్పున పరిహరాన్ని చెల్లించనున్నట్టు కేరళ ప్రభుత్వం డిసైడ్ చేసింది. కోజికోడ్ లో పెరంబరా ఆసుపత్రిలో నిపా వైరస్ సోకిన బాధితులకు చికిత్స అందించిన లినీ ఈ వ్యాధి బారిన పడింది.

ఈ వ్యాధికి గురైన లినీ ఆసుపత్రిలో చికిత్స పొందుతూ మృత్యువాత పడింది. అయితే మరణించడానికి ముందు ఆమె తన భర్తకు రాసిన లేఖ సోషల్ మీడియాలో వైరల్ గా మారడం తెలిసిందే.

నిపా వైరస్ కేసులు సుమారు 13కి పైగా నమోదయ్యాయి. సుమారు 10 మంది ఈ వ్యాధి కారణంగా మృత్యువాతపడ్డారని కేరళ అధికారులు ప్రకటించారు. ఈ వ్యాధి ప్రబలకుండా ఉండేందుకు చర్యలు తీసుకొంటున్నారు.

English summary

Extending a helping hand to the family of nurse Lini Puthussery, who died after contracting Nipah from her patients, the Kerala government on Wednesday decided to give a government job to her husband and Rs 10 lakh each to two of their children.A decision in this regard was taken at a Cabinet meeting chaired by Chief Minister Pinarayi Vijayan here.