కేరళలో మరో వైరస్ కలకలం: వయనాడ్లో ఆఫ్రికన్ స్వైన్ ఫీవర్ కేసులు, పందుల వధ
తిరువనంతపురం: కేరళలో మరో వ్యాధి కలకలం సృష్టిస్తోంది. వయనాడ్లోని రెండు పందుల పెంపకం క్షేత్రాల్లో అత్యంత అంటువ్యాధి అయిన ఆఫ్రికన్ స్వైన్ ఫీవర్ ప్రబలుతోంది. ఈ వైరస్ 44 పందుల ప్రాణాలను బలిగొన్న తర్వాత కేరళలోని వయనాడ్లో భయాందోళనలు నెలకొన్నాయి.
పశుసంవర్ధక శాఖ ఆదేశాల మేరకు పందులను చంపే ప్రక్రియను ముందస్తుగా ప్రారంభించారు. జూలై 25 నాటికి, వాయనాడ్లోని మనంతవాడి మున్సిపాలిటీ, తవింజల్ గ్రామంలోని ఐదు పొలాల్లో 685 పందులను చంపారు.
పశుసంవర్ధక శాఖలోని చీఫ్ డిసీజ్ ఇన్వెస్టిగేషన్ ఆఫీసర్ డాక్టర్ మినీ జోస్ ప్రకారం.. 1 కి.మీ పరిధిలో విస్తరించి ఉన్న పొలాల్లో కల్లింగ్ టీమ్ పనిని నిర్వహించి, ఆ ప్రాంతాన్ని క్రిమిసంహారక చేసింది.
"రెండు నిపుణుల బృందాలు ఆపరేషన్లో భాగంగా ఉన్నాయి. వారి సభ్యులను నివారణ చర్యగా 24 గంటల పాటు నిర్బంధించారు. చంపబడిన పందులను లోతైన గుంటలలో పాతిపెట్టారు, అని జోస్ చెప్పారు.
వయనాడ్లో పందుల పెంపకం కేంద్రాలుగా ఉన్న కేరళలో ఆఫ్రికన్ స్వైన్ ఫీవర్ నమోదవడం ఇదే మొదటిసారి. జిల్లాలో నమోదైన 244 మంది రైతులు ప్రస్తుతం 4,740 పందులను, 6,454 పందులను మాంసం కోసం పెంచుతున్నారు. కాగా, వైరస్ వ్యాప్తి వారి జీవనోపాధిపై ప్రభావం చూపుతోంది.
అయితే, ఆందోళన చెందాల్సిన అవసరం లేదని పశుసంవర్ధక శాఖ అధికారులు చెబుతున్నారు. స్వైన్ ఫీవర్ ఇతర జంతువులకు లేదా మానవులకు వ్యాపించదు కాబట్టి భయపడాల్సిన అవసరం లేదు అని వయనాడ్ జిల్లా పశుసంవర్ధక అధికారి డాక్టర్ రాజేష్ వీఆర్ అన్నారు.
వ్యాధి వ్యాప్తిని అరికట్టేందుకు ముందస్తు చర్యలు తీసుకున్నట్లు ఆయన తెలిపారు. "ఒక ప్రాంతంలో ఆఫ్రికన్ స్వైన్ ఫీవర్ నివేదించబడిన తర్వాత, సోకిన జంతువులను చంపడం, ప్రాంతాన్ని క్రిమిసంహారక చేయడం తప్ప మాకు వేరే మార్గం లేదు. వైరస్ చాలా అంటువ్యాధి" అని తెలిపారు. వైరస్ వ్యాప్తి నివారణకు అన్ని చర్యలు తీసుకుంటున్నామని చెప్పారు.
చంపిన పందులకు జంతువుల బరువు ప్రకారం రూ.2,200 నుంచి రూ.15,000 వరకు పరిహారం ప్రకటించారు. కోవిడ్ సమయంలో చాలా మంది తమ పొలాలను ప్రారంభించి రుణాలు తీసుకున్నందున పందుల నష్టం తమను ఆర్థిక ఇబ్బందుల్లోకి నెట్టివేస్తుందని, ఇది సరిపోదని రైతులు ఆవేదన వ్యక్తం చేస్తున్నారు.
కాగా, ఆఫ్రికన్ స్వైన్ ఫీవర్ 1910లో కెన్యాలో మొదటిసారిగా కనుగొనబడింది. భారతదేశంలో కేసులు మొదటిసారిగా 2020లో నమోదయ్యాయి. కేంద్ర ప్రభుత్వం ఇటీవలి హెచ్చరికను అనుసరించి, కేరళ జూలై ప్రారంభంలో బయో-సెక్యూరిటీ చర్యలను కఠినతరం చేయడం ప్రారంభించింది.
Click it and Unblock the Notifications
Sign in with Google