దిల్లీ వరల్డ్ బుక్ ఫెయిర్- 2026 లో 'కిడ్జ్ ఎక్స్‌ ప్రెస్'

దిల్లీ ప్రపంచ పుస్తక ప్రదర్శన 2026 లో పిల్లల కోసం ప్రత్యేకమైన 'కిడ్జ్ ఎక్స్‌ ప్రెస్' రైలు థీమ్‌ పెవిలియన్‌ను ప్రారంభించారు. ఇది యువ పాఠకులను కథలు, కళలు, సంస్కృతి ప్రపంచంలోకి తీసుకువెళ్తూ పఠనం, సృజనాత్మకత, ప్రపంచ అవగాహనను ప్రోత్సహిస్తుంది. ఆకట్టుకునే బాహ్య రూపం, యానిమేటెడ్ కిటికీలు, టికెట్ చెకర్, చాయ్‌వాలా, సంగీతకారుడి చిత్రాలు వెంటనే దృష్టిని ఆకర్షిస్తాయి. ఆవిరిలా బుడగలు వదిలే రైలు ఇంజిన్ ద్వారా యువ సందర్శకులకు స్వాగతం లభించగా, ఎన్‌బిటి- ఇండియా విద్య, జ్ఞాన్ వారిని లోపలికి ఆహ్వానిస్తారు. పెవిలియన్ లోపల, స్పష్టమైన "కోచ్‌ల" శ్రేణి ఉంది. ప్రతి కోచ్ చదవడానికి, ఆలోచించడానికి, సృష్టించడానికి, అనుభూతి చెందడానికి జాగ్రత్తగా రూపొందించారు. ఇంటరాక్టివ్ ప్రదర్శనలు, వర్క్‌ షాప్‌ లు, అంతర్జాతీయ కథకులతో యువ పాఠకులు కథలు, కళలు, సంస్కృతిని అన్వేషిస్తారు.

ప్రయాణం 'స్టోరీటైమ్ శతాబ్ది' తో మొదలవుతుంది. అంతరిక్ష థీమ్‌ తో "నక్షత్రాలకు మించి చదవండి" నినాదంతో కూడిన రీడింగ్ కార్నర్ ఇది. రాకెట్ ఆకారపు అరలలోని కథలు యువ పాఠకులను నూతన ప్రపంచంలోకి తీసుకెళ్తాయి. రైల్ మ్యూజియంలో, "చల్తీ కా నామ్ రైల్ గాడి" నినాదం కింద ఆవిరి ఇంజిన్, వందే భారత్ రైలు నమూనాలు ఆకట్టుకుంటాయి. భారతీయ రైల్వేల పరిణామాన్ని చిన్న ఫోటో ప్రదర్శన వివరిస్తుంది. ఇంటరాక్టివ్ స్క్రీన్‌ లు పిల్లలను క్విజ్‌ లు, పజిల్స్, సుడోకులతో నిమగ్నం చేస్తూ, విజేతలకు పుస్తక కూపన్‌ లను ఇస్తాయి. 'రీడర్స్ క్లబ్ మూవ్‌ మెంట్' కోచ్, NBT రీడర్స్ క్లబ్, పాఠక్ మంచ్ బులెటిన్‌ లను పరిచయం చేస్తుంది. యువ పాఠకులు సృష్టించిన కవితలు, వ్యాసాలు, కళాకృతులతో నిండిన బులెటిన్‌ లు పఠనం, రచన అలవాట్లను ప్రోత్సహిస్తాయి. రైల్వే కియోస్క్‌ ల నుండి ప్రేరణ పొందిన 'కితాబ్ ఘర్', సృజనాత్మక ఆశ్రయాన్ని అందిస్తుంది.

వేలాడే షీట్లపై కథలు, కవితలు రెపరెపలాడతాయి; పిల్లలు అసంపూర్తి కథలు పూర్తి చేస్తారు, కవితలు రాస్తారు, పుస్తక కవర్‌ లను డిజైన్ చేస్తారు. 'ఎమోజి మీ' రంగు, కళ ద్వారా భావోద్వేగాలను అన్వేషిస్తుంది. కుటుంబాలు మధుర క్షణాలను బంధించడానికి 'క్లిక్-మీ జంక్షన్' అనే నీటి అడుగున థీమ్‌తో కూడిన ఫోటో కార్నర్ ఉంది. ఇతర కోచ్‌లలో మధుబని, వార్లి కళ, పేపర్ కఠ్‌ పుత్లీ, క్లే ఆర్ట్, ఆర్ట్ & క్రాఫ్ట్ వంటి చేతిపనులు, వర్క్‌ షాప్‌ లు పిల్లలను నిమగ్నం చేస్తాయి. 'కలర్ మీ' అత్యంత ప్రియమైన సెక్షన్, "రంగ్ దో దునియా సారీ" నినాదంతో పెద్ద డూడుల్ కాన్వాస్ రంగులు, నవ్వులు, స్వేచ్ఛా వ్యక్తీకరణతో సందడి చేస్తుంది.

సంగీతం, నాటకం, పప్పెట్రీ, రోల్-ప్లే ద్వారా కథలు చెప్పే సెషన్‌లు, SDG లక్ష్యాలతో అనుబంధంగా పెవిలియన్ ఆట ద్వారా అభ్యాసంతో నిండి ఉంది. స్పెయిన్, రష్యా, ఫిన్లాండ్, ఇజ్రాయెల్ నుండి కథకులు తమ కథల ద్వారా యువ ప్రేక్షకులను వివిధ సంస్కృతుల్లోకి తీసుకెళ్తూ ప్రపంచీకరణను అందిస్తారు. ఒరిగామి, కార్టూన్ డిజైన్, క్యారెక్టర్ క్రియేషన్, థియేటర్ వర్క్‌ షాప్‌ లు, పప్పెట్ షోలు, మండలా ఆర్ట్ సెషన్‌లతో సృజనాత్మక కార్యకలాపాలు ఉంటాయి. 'మాథ్స్ మ్యాజిక్', 'ఫన్ విత్ వేదిక్ మాథ్స్', 'మ్యాజిక్ ఆఫ్ సైన్స్' ద్వారా గణితం, సైన్స్ జీవం పోసుకుంటాయి. 'చైల్డ్ ఆథర్స్ మీట్స్', 'మస్కట్ ఇంటరాక్షన్స్', 'చిల్డ్రన్స్ ఫిల్మ్ స్క్రీనింగ్‌ లు' ఈ అనుభూతిని పరిపూర్ణం చేస్తాయి.

సాయంత్రాలలో, 'ట్రైనింగ్ ది ట్రైనర్స్ ప్రోగ్రామ్' ఉపాధ్యాయులు, విద్యావేత్తలు, తల్లిదండ్రులను ఒకచోట చేర్చి బొమ్మల ఆధారిత బోధన, నాటకం ఆధారిత అభ్యాసం, ఆట ద్వారా గణితం, మానసిక ఆరోగ్యం, సృజనాత్మక బోధనా సాధనాలపై వర్క్‌ షాప్‌ లను నిర్వహిస్తుంది. ప్యానెల్ చర్చలు, లైబ్రేరియన్ల మీట్ కూడా భాగంగా ఉంటాయి. లారా ఎస్కులా, అనితా సిన్హా, రాజీవ్ తాంబే, జానకి సబేశ్, ఐరిస్ అర్గామన్, ఐరిస్ మాట్టా, ఇరినా క్రయేవా, శరణ్య శ్రీరామ్, నామిక్ షెర్పా, రమేందర్ కుమార్ వంటి ప్రముఖులు నిర్వహించిన సెషన్‌ లు 'కిడ్జ్ ఎక్స్‌ ప్రెస్' ను యువ పాఠకులకు శక్తివంతమైన కేంద్రంగా నిలిపాయి. మొత్తంగా 'కిడ్జ్ ఎక్స్‌ ప్రెస్' ఒక కదిలే ప్రపంచం.. ఈ ప్రయాణం ద్వారా ప్రతి చిన్నారి ఉత్సుకత, విశ్వాసం, అద్భుతం వంటి విలువైన బహుమతులను పొందుతారు.

English summary

The Kid Express Pavilion at the Delhi World Book Fair 2026 introduces a railway themed, interactive space where children engage with stories, arts and culture. Through coaches designed for reading, workshops, storytelling with international authors, and hands-on activities, young visitors explore creativity, language skills, and global understanding.