అంతా కర్నాటకీయం: సభను శుక్రవారంకు వాయిదా వేసిన స్పీకర్..యడ్యూరప్ప నిరసన

బెంగళూరు: కర్నాటక రాజకీయాల్లో నేడు కీలక ఘటన చోటుచేసుకోనుంది. 16 మంది ఎమ్మెల్యేల రాజీనామాతో కుమారస్వామి సర్కార్ సంక్షోభంలో పడిపోయిన నేపథ్యంలో ఈ రోజు అసెంబ్లీలో బలపరీక్షకు సిద్ధమైంది. తమ ప్రభుత్వంకు వచ్చిన ఢోకా ఏమీ లేదని చెబుతున్నప్పటికీ .... వాస్తవ పరిస్థితి సంకీర్ణ ప్రభుత్వానికి అనుకూలంగా లేదు.

మరో వైపు ప్రతిపక్ష బీజేపీ మాత్రం ప్రభుత్వం పడిపోవడం ఖాయంగా కనిపిస్తోందనే ఆత్మవిశ్వాసంతో ఉంది. ఇక రెబెల్ ఎమ్మెల్యేల రాజీనామాలపై స్పీకర్ కూడా ఓ నిర్ణయం తీసుకోనున్నారు. అయితే వారు బలపరీక్షకు హాజరు కారని తెలుస్తోంది.సభలో సంకీర్ణ ప్రభుత్వం సంఖ్య 117గా ఉంది. కాంగ్రెస్‌కు 78, జేడీఎస్‌కు 37, బీఎస్పీ ఒక స్థానం ఉన్నాయి.

ఇక నామినేటెడ్ అభ్యర్థి కూడా ఒకరున్నారు. ఇక బీజేపీకి సంఖ్యాబలం 105 ఉండగా మరో ఇద్దరు ఇండిపెండెంట్ల మద్దతు కూడా ఉండటంతో బీజేపీ సంఖ్యాబలం 107కు చేరుకుంది. ఒకవేళ 16 మంది ఎమ్మెల్యేల రాజీనామాలు కనుక స్పీకర్ ఆమోదిస్తే వారు సభలో ఉండే అవకాశం లేదు . దీంతో సంకీర్ణ ప్రభుత్వం సంఖ్య 101 పడిపోతుంది.

English summary

Ahead of the crucial trust vote today, the Congress-JD(S) government in Karnataka hangs by a thread after the Supreme Court on Wednesday held that the 15 rebel MLAs cannot be compelled to participate in the proceedings of the Assembly session.