ఒకే కాన్పులో నలుగురు పిల్లలు.. ఇక్కడే బిగ్ ట్విస్ట్..

ఓ మహిళ ఒకే కాన్పులో నలుగురు పిల్లలకు జన్మనిచ్చింది. ప్రస్తుతం తల్లీ బిడ్డలు ఆరోగ్యంగానే ఉన్నారు. ఈ ఘటన మహారాష్ట్రలోని పుణెలో జరిగింది. ఒకేసారి నలుగురు పిల్లలు తమ కుటుంబంలోకి రావటంతో ఆ దంపతులు ఆనందం వ్యక్తం చేశారు. అయితే పిల్లల బరువు ఒక్కొక్కరిది 1200గ్రాముల నుంచి 1600 గ్రాములుగా ఉన్నట్లు వైద్యులు తెలిపారు. తక్కువ బరువు కారణంగా ప్రస్తుతం నలుగురు పిల్లలను ఆస్పత్రిలోని ఇంక్యూబేటర్ల​లో ఉంచామని వైద్యులు తెలిపారు. పిల్లల ఆరోగ్య పరిస్థితిని ఎప్పటికప్పుడు పర్యవేక్షిస్తున్నట్లు వెల్లడించారు.

మహారాష్ట్ర పుణెలోని సస్వద్ కు చెందిన ఓ 27 ఏళ్ల మహిళ సతరా ఆస్పత్రిలో పురిటినొప్పులతో చేరారు. మహిళ ఆరోగ్య తీవ్రత దృష్ట్యా సిజేరియన్‌ చేయాలని నిర్ణయించారు అక్కడి వైద్యులు. ఆమెకు ఆపరేషన్ ను విజయవంతంగా పూర్తి చేశారు. అయితే ఆమెకు ఒకేసారి నలుగురు పిల్లలు పుట్టారు. ఓ మగ, ముగ్గురు ఆడపిల్లలకు ఆ మహిళ జన్మనిచ్చింది. పుట్టిన పిల్లలు ఒక్కొక్కరిది 1200 గ్రాముల నుంచి 1600 గ్రాములుగా ఉన్నట్లు వైద్యులు తెలిపారు. ప్రస్తుతం బిడ్డలను ఆస్పత్రిలోని ఇంక్యూబేటర్ల​లో ఉంచామని వైద్యులు తెలిపారు. పిల్లల ఆరోగ్య పరిస్థితిని ఎప్పటికప్పుడు పర్యవేక్షిస్తున్నట్లు స్పష్టం చేశారు.

ఇలా ఒకే కాన్పులో నలుగురు పిల్లలు పుట్టడంతో వైద్యులు ఆశ్చర్య పోయారు. అయితే ఆ మహిళకు గతంలోనూ ట్విన్స్ పుట్టారు. మరో బాలుడు కూడా ఉన్నారు. ఇప్పుడు ఆమెకు ఏడుగురు సంతానం. గతంలో ఒకే కాన్పులో నలుగురికి జన్మనిచ్చిన ఘటనలు జరిగినా.. సతారా జిల్లా ఆసుపత్రిలో మాత్రం ఇదే తొలిసారి అని వైద్యులు వివరించారు.