పాక్ దుస్సాహసం: ఆక్రమిత ప్రాంతానికి రాష్ట్ర హోదా, భారత్ ఆందోళన

Subscribe to Oneindia Telugu

ఇస్లామాబాద్‌: పాకిస్థాన్ మరో దుశ్శాహసానికి ఒడిగట్టింది. పాక్ ఆక్రమిత భారత భూభాగం గిల్గిత్‌-బాల్టిస్థాన్‌ ప్రాంతానికి రాష్ట్ర హోదా కల్పించేందుకు పాకిస్థాన్‌ సిద్ధమవుతోంది. పాక్‌ ఆక్రమిత కాశ్మీర్‌లో భాగమైన ఈ ప్రాంతం వ్యూహాత్మకంగా మనదేశానికి ఎంతో కీలకమైనది.

అయితే, గిల్గిత్‌-బాల్టిస్థాన్‌కు రాష్ట్ర హోదా కల్పించాలని విదేశీ వ్యవహారాల సలహాదారు సర్తాజ్‌ అజీజ్‌ సారథ్యంలోని కమిటీ సిఫార్సు చేసినట్లు పాక్‌ అంతర్రాష్ట్ర సమన్వయశాఖ మంత్రి రియాజ్‌ హుస్సేన్‌ పీర్‌జాదా మంగళవారం 'జియో టీవీ'తో చెప్పడంతో ఈ విషయం వెలుగులోకి వచ్చింది.

ఈ హోదా కల్పించేందుకు వీలుగా రాజ్యాంగ సవరణ చేస్తామని తెలిపారు. పాక్‌లో ఇప్పుడు బలూచిస్థాన్‌, ఖైబర్‌ పఖ్తుంఖ్వా, పంజాబ్‌, సింధ్‌ రాష్ట్రాలు ఉన్నాయి. ప్రస్తుతం ప్రత్యేక ప్రాంతంగా పాక్‌ పరిగణిస్తున్న గిల్గిత్‌-బాల్టిస్థాన్‌కు ప్రాంతీయ అసెంబ్లీతోపాటు ముఖ్యమంత్రి ఉన్నారు. కాగా, ఈ వివాదాస్పద ప్రాంతానికి సంబంధించిన తాజా పరిణామాలు భారత్‌కు కలవరం కలిగిస్తున్నాయి.

Pakistan Set to Declare Gilgit-Baltistan on PoK Border as Fifth Province

దాదాపు రూ.3 లక్షల కోట్లతో చేపడుత్ను చైనా-పాకిస్థాన్‌ ఎకనామిక్ కారిడార్(సీపీఈసీ) గిల్గిత్‌-బాల్టిస్థాన్‌ గుండానే సాగుతుంది. ఈ ప్రాంత హోదాపై సమస్యలను తొలగించాలన్న చైనా ఒత్తిడి నేపథ్యంలోనే పాక్‌ ఈ చర్య చేపడుతున్నట్లు తెలుస్తోంది.

సీపీఈసీ ప్రాజెక్టుకు చట్టపరమైన రక్షణ ఉండేలా ఈ ప్రాంతానికి రాష్ట్ర హోదా కల్పించాలని పాక్‌ భావిస్తోందని 'డాన్‌' పత్రిక ఇంతకుముందు ఒక కథనంలో వెల్లడించింది. గిల్గిత్‌-బాల్టిస్థాన్‌ను పాక్‌ గతంలో 'ఉత్తర ప్రాంతాలు'గా వ్యవహరించేది. పాక్ తాజా నిర్ణయం భారత్‌కు ఆందోళన కలిగించే విషయమేనని విశ్లేషకులు చెబుతున్నారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
Pakistan is planning to declare the strategic Gilgit-Baltistan region as the fifth province, a move that may raise concerns in India as it borders the disputed Pakistan-occupied Kashmir.
Please Wait while comments are loading...