రుచికరమైన గంజాయి చాక్లెట్, ఒక్కటి ఎంతంటే ?, అక్కడి నుంచి ఐటీ హబ్ కు !

బెంగళూరు: కర్ణాటక రాష్ట్రంలో డ్రగ్స్‌ నెట్‌వర్క్‌ అదుపులోకి రావడం లేదని వెలుగు చూసింది. పోలీసులు ఉక్కుపాదం మోపడంతో డ్రగ్స్ డీలర్లు కొత్త మార్గాలను అన్వేషిస్తున్నారు. ఆంధ్రప్రదేశ్, మహారాష్ట్రలో కాకుండా ఉత్తరప్రదేశ్ లో తయారయ్యే గంజాయి చాక్లెట్లను తీసుకొచ్చి బెంగళూరులో అమ్మేస్తున్నారని వెలుగు చూసింది.

గంజాయి చాక్లెట్ విక్రయాల నెట్‌వర్క్ ఉత్తరప్రదేశ్ నుండి బెంగళూరు వరకు విస్తరించింది. ఉత్తరప్రదేశ్ నుంచి తీసుకొచ్చిన గంజాయి చాక్లెట్ లను బెంగళూరులో విక్రయిస్తున్నారు. మునక్క, మహాకళ, ఆనంద, చార్ మినార్ గోల్క్ పేర్లతో చాక్లెట్లు విక్రయిస్తున్న నెట్‌వర్క్ బెంగళూరు సిటీ పోలీసులకు చిక్కింది.

ఉత్తరప్రదేశ్ నుంచి వారానికి రెండుసార్లు గంజాయి చాక్లెట్ లు రైలులో తరలించి బెంగళూరులోని పలు చిన్నచిన్న దుకాణాల్లో విక్రయిస్తున్నారు. ఉత్తరప్రదేశ్ నుంచి తీసుకొచ్చి 300 కిలోల గంజాయి చాక్లెట్లను బెంగళూరు పోలీసులు స్వాధీనం చేసుకున్నారు. గంజాయి చాక్లెట్ విక్రయిస్తున్న బెంగళూరు పాత గుడ్డహళ్లి నివాసి షమీమ్ అక్తర్‌ను పోలీసులు అరెస్ట్ చేశారు.

ఆర్‌ఎంసీ యార్డు పోలీసులకు పక్కా సమాచారం రావడంతో నిందితుడు అక్తర్ ను అరెస్ట్ చేశారు. మొత్తం 6 లక్షల రూపాయల విలువైన గంజాయి చాక్లెట్లను పోలీసులు స్వాధీనం చేసుకున్నారు. నిందితులు బాక్సులను దుకాణాల్లో ఉంచి ఒక్క చాక్లెట్ రూ.20 ధరకు, మూడు చాక్లెట్లు 50 రూపాయలకు విక్రయిస్తున్నారని, పోలీసులు రంగంలోకి దిగడంతో చాలా మంది తప్పించుకున్నారని పోలీసు అధికారులు తెలిపారు.

పోలీసులు అదుపులోకి తీసుకున్న షమీమ్ అక్తర్ నుంచి చాక్లెట్లు కొనుగోలు చేస్తున్న ముగ్గురు వ్యక్తులు అదృశ్యమయ్యారు. అదృశ్యమైన వారిని సంజయ్, గోవింద, వినోద్‌లుగా గుర్తించామని పోలీసు అధికారులు తెలిపారు. అదృశ్యమైన నిందితుల కోసం పోలీసులు గాలిస్తున్నారు. బెంగళూరులోని వివిధ ప్రాంతాల్లో ఇటువంటి గంజాయి చాక్లెట్లు అమ్మకానికి సరఫరా చేయబడే అవకాశం ఉందని పోలీసులు అంటున్నారు.

నిందితులను విచారించిన తర్వాత బెంగళూరు నగరంలో మరిన్ని గంజాయి చాక్లెట్లు లభించే అవకాశం ఉందని పోలీసులు అంటున్నారు. బెంగళూరులోని పీణ్యా పరిసర ప్రాంతాల్లో గంజాయి చాక్లెట్ విక్రయాలు జరుగుతున్నట్లు సమాచారం ఉందని బెంగళూరు నార్త్ డివిజన్ డీసీపీ శివప్రకాష్ దేవరాజ్ తెలిపారు.

దీనికి సంబంధించి చాలా రోజుల నిఘా వేసిన తరువాత నిందితుడిపై దాడి చేసి అరెస్టు చేశారు. ఈ కేసులో రూ. 6 లక్షలు. 300 కిలోల గంజాయి చాక్లెట్ లను స్వాధీనం చేసుకున్నారు. ఉత్తరప్రదేశ్ రాష్ట్రం నుంచి రైలులో గంజాయి చాక్లెట్ లు తీసుకొచ్చి బెంగళూరులో సీక్రేట్ గా విక్రయిస్తున్నారు. ఈ కేసులో ప్రమేయమున్న ఇతర నిందితుల కోసం వెతుకుతున్నామని డీసీపీ తెలిపారు. బెంగళూరు నగరంలోని. ఆర్‌ఎంసీ యార్డు పోలీసులు కేసు నమోదు చేసి విచారణ చేస్తున్నారు.

English summary

Police nab a dealer selling ganja chocolates in Bengaluru