కీలక వడ్డీ రేట్లు యథాతథం: ఆర్బీఐ

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    ముంబై: కీలక వడ్డీ రేట్లలో మార్పు లేదని భారత రిజర్వు బ్యాంక్(ఆర్బీఐ) స్పష్టం చేసింది. ఈ ఆర్థిక సంవత్సరంలో ఐదో ద్వైమాసిక పరపతి విధాన సమీక్ష నిమిత్తం పరపతి విధాన కమిటీ (ఎంసీపీ) మంగళ, బుధవారాల్లో భేటీ అయిన విషయం తెలిసిందే. ఈ సమావేశ నిర్ణయాలను ఆర్‌బీఐ బుధవారం వెల్లడించింది.

    ద్రవ్యోల్బణం పెరిగిన దృష్ట్యా ఈ సారి కీలక రేట్లలో మార్పులు చేయలేదని, వాటిని యథాతథంగానే ఉంచనున్నట్లు ప్రకటించింది. అక్టోబరులో జరిగిన సమావేశంలోనూ కీలక రేట్ల జోలికి వెళ్లని ఎంపీసీ వరుసగా రెండోసారి ఎలాంటి మార్పులు చేయకపోవడం విశేషం. చివరిసారి ఆగస్టులో పావు శాతం కోత విధించింది.

     RBI keeps repo rate at 6 per cent, reverse repo rate at 5.75 per cent

    ఇక ప్రస్తుత ఆర్థిక సంవత్సరం మూడు, నాల్గో త్రైమాసికాలకు ద్రవ్యోల్బణం 4.3 నుంచి 4.7శాతం ఉంటుందని పరపతి విధాన కమిటీ అంచనా వేసింది. కాగా, వృద్ధి రేటులో ఎలాంటి మార్పు ఉండబోదని పేర్కొంది. వచ్చే ఏడాది మార్చి 31తో ముగిసే ఆర్థిక సంవత్సరానికి వృద్ధి రేటు 6.7శాతంగా ఉంటుందని ఆర్‌బీఐ గతంలో అంచనా వేసిన విషయం తెలిసిందే.

    తాజా సమావేశంలోనూ అదే రేటును పేర్కొంది. ఈ సందర్భంగా ఆర్‌బీఐ గవర్నర్‌ ఉర్జిత్‌ పటేల్‌ మాట్లాడుతూ.. ఆర్థిక వ్యవస్థలో ఇటీవల చోటుచేసుకున్న సంస్కరణలతో వృద్ధిరేటు అంచనాను చేరుకుంటామని ఆశాభావం వ్యక్తంచేశారు. 2018 ఫిబ్రవరి 6, 7 తేదీల్లో చివరి ద్వైపాక్షిక పరపతి విధాన సమీక్ష జరగనుంది.

    ఆర్‌బీఐ వడ్డీ రేట్లు ప్రస్తుతం ఇలా ఉన్నాయి రెపో రేటు - 6శాతం కాగా, రివర్స్‌ రెపో రేటు - 5.75శాతంగా ఉంది. మార్జినల్‌ స్టాండింగ్‌ ఫెసిలిటీ(ఎంఎస్‌ఎఫ్‌) రేటు- 6.25శాతం, బ్యాంకు రేటు - 6.25శాతంగా ఉన్నాయి.

    English summary
    On the basis of an assessment of the current and evolving macroeconomic situation at its meeting, the Monetary Policy Committee (MPC) decided to keep the policy repo rate under the liquidity adjustment facility (LAF) unchanged at 6.0 percent.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more