Uttarakhand Tunnel Collapse: కొద్ది గంటల్లో 41 మందిని బయటకు తీసుకురానున్న ఎన్డీఆర్ఎఫ్..

సిల్క్యారా సొరంగంలో చిక్కుకున్న వారిని రక్షించే ప్రయత్నాలు కొనసాగుతోన్నాయి. చిక్కుకున్న వారిని పైపుల ద్వారా తరలించాలని చూస్తున్నారు. గురువారం నుంచి ఎలాంటి పురోగతి లేదని నేషనల్ డిజాస్టర్ మేనేజ్‌మెంట్ అథారిటీ (ఎన్‌డిఎంఎ) శుక్రవారం తెలిపింది. సిల్క్యారా టన్నెల్‌లో చిక్కుకున్న కార్మికులను చేరుకోవడానికి ఇంకా 15 మీటర్లు కవర్ చేయాల్సి ఉందని పేర్కొంది. ఆగర్ మెషిన్ ద్వారా డ్రిల్లింగ్ త్వరలో ప్రారంభించే అవకాశం ఉందని NDMA తెలిపింది.

అంతకుముందు, సిల్క్యారా సొరంగంలోని శిధిలాల ద్వారా డ్రిల్లింగ్ కోసం ఉపయోగించిన ఆగర్ యంత్రానికి మద్దతు ఇచ్చే 25-టన్నుల ప్లాట్‌ఫారమ్ రిపెయిర్ వచ్చిందని సీనియర్ అధికారి శుక్రవారం ఉదయం తెలిపారు. కాగా రెస్క్యూ ఆపరేషన్ ప్రారంభించి శుక్రవారంతో 13వ రోజుకు చేరుకుంది. రాత్రికి రెస్క్యూ ఆపరేషన్ పూర్తవుతుందని రెస్క్యూ ఆపరేషన్ ఇన్‌ఛార్జ్ కల్నల్ దీపక్ పాటిల్ తెలిపారు. ప్రతి పైపు వెల్డింగ్ దశకు సుమారు 1.5 నుండి 2 గంటల సమయం అవసరమని ఆయన అన్నారు.

నవంబర్ 12న ఉత్తరకాశీ-యమ్నోత్రి రహదారిలో సొరంగంలో కొంత భాగం గుహలో చిక్కుకున్న కార్మికులను సురక్షితంగా వెలికితీసేందుకు జరుగుతున్న ప్రయత్నాలను సీఎం ధామి నిశితంగా పరిశీలిస్తున్నారు. జార్ఖండ్‌ నుంచి 15 మంది, ఉత్తరప్రదేశ్‌ నుంచి ఎనిమిది మంది, ఒడిశా, బీహార్‌ నుంచి ఐదుగురు, పశ్చిమ బెంగాల్‌ నుంచి ముగ్గురు, ఉత్తరాఖండ్‌, అస్సాం నుంచి ఇద్దరు, హిమాచల్‌ప్రదేశ్‌ నుంచి ఒకరు - ఉత్తరకాశీ సొరంగంలో చిక్కుకున్న వారిలో ఉన్నారు.

#WATCH | | Uttarkashi (Uttarakhand) tunnel rescue: NDRF demonstrates the movement of wheeled stretchers through the pipeline, for the rescue of 41 workers trapped inside the Silkyara Tunnel once the horizontal pipe reaches the other side. pic.twitter.com/mQcvtmYjnk

— ANI (@ANI) November 24, 2023

ఇంకా కొన్ని గంటల్లో 41 మందిని బయటకు తీసుకొచ్చే అవకాశం ఉంది. వీరికి తక్షణమే వైద్య సహాయం అందించేందుకు ఘటన స్థలంలో అంబులెన్సులు, ప్రత్యేక పడకలు, ఔషధాలు, ఆక్సిజన్‌ కిట్లు అందుబాటులో ఉంచారు. జాతీయ విపత్తు నిర్వహణ సంస్థ(ఎన్డీఆర్‌ఎఫ్‌) ఓ వీడియో విడుదల చేసింది .వెల్డింగ్‌ చేసిన పైపులో స్ట్రెచర్‌ మీద కార్మికులు వెల్లికిలా పడుకొని ఉంటే దానిని తాడుతో ఎన్డీఆర్‌ఎఫ్‌ అధికారులు బయటకు లాగనున్నారు.

English summary

Rescue efforts are on for those trapped in the Silkyara tunnel