పోలీస్ స్టేషన్ ముందు తల్లికి నిప్పంటించి వీడియో తీసిన శాడిస్టు కొడుకు, మ్యాటర్ మాత్రం ?

ఆ ఇంట్లో ప్రతి రోజూ ఆస్తి కోసం తల్లీ కొడుకు మధ్య గొడవలు జరుగుతున్నాయి. దీంతో తల్లీ కొడుకులు పోలీస్ స్టేషన్‌కు వచ్చారు. కొంతసేపటికి తల్లీకొడుకులు పోలీస్ స్టేషన్ నుంచి బయటకు వచ్చారు. తరువాత ఇద్దరి మధ్య వాగ్వాదం జరిగింది. తల్లి ఆమె మీద పెట్రోల్ పోసుకుని కొడుకును బెదిరించడానికి ప్రయత్నించింది తరువాత కొడుకు ఆమె తల్లికి నిప్పంటించాడు. ఆ తర్వాత తల్లి కాలిపోతుంటే కొడుకు వీడియో తీసిన ఘటన ఉత్తరప్రదేశ్‌లోని అలీగఢ్‌లో చోటుచేసుకుంది.

ఆస్తి కోసం తల్లీ కొడుకుల మధ్య గొడవ మొదలైంది. ఈ విషయంలో కుటుంబీకులు జోక్యం చేసుకున్నప్పటికీ, కొడుకు ఆస్తి కోసం పట్టుబట్టాడు. ఉన్న ఇంటిని కొడుకు పేరు మీద రాస్తే బతకలేనని తెలిసి కొడుక్కి ఆస్తి ఇచ్చేందుకు తల్లి నిరాకరించింది. దీంతో తల్లీకొడుకుల పోరు తీవ్రస్థాయికి చేరుకుంది. కుటుంబ సభ్యులు, బంధువులు మాట్లాడినా ప్రయోజనం లేకపోయింది. దీంతో తల్లి ఆమె కొడుకు మీద ఫిర్యాదు చెయ్యడంతో కేసు దాఖలైంది.

తల్లి, కొడుకు, కుటుంబ సభ్యులు ఖైర్ పోలీస్ స్టేషన్‌కు చేరుకున్నారు. పోలీస్ స్టేషన్‌లో ఆస్తి పంపకాలపై కుటుంబ సభ్యులు, తల్లీకొడుకులు మాట్లాడుకోవడం ప్రారంభించారు. కొంత సేపటికి తల్లీ కొడుకు పోలీస్ స్టేషన్ నుంచి బయటకు వెళ్లిపోయారు. అనంతరం పోలీస్‌స్టేషన్‌ పక్కనే నిలబడిన తల్లీ, కొడుకు వాగ్వాదానికి దిగారు.ఆ సమయంలో తల్లి ఆమె శరీరంపై పెట్రోల్ పోసుకు నినిప్పంటించుకుంటానని ఆమె కొడుకును బెదిరించింది.

పోలీసులకు చెబుతానని కొడుకు అతని తల్లిని బెదిరించే ప్రయత్నం చేశాడు. కానీ శాడిస్టు కొడుకు శరీరం మీద పెట్రోల్ పోసుకుని బెదిరిస్తున్న అతని తల్లికి నిప్పంటించాడు. దీంతో ఒక్కసారిగా మంటలు చెలరేగాయి. కొద్ది క్షణాల్లో మంటలు చెలరేగాయి. పోలీసులు వచ్చి మంటలను ఆర్పే ప్రయత్నం చేశారు. ఈ ప్రయత్నాలు కొన్ని నిమిషాల పాటు ఆ ప్రాంతంలో కలకలం రేపింది.

స్టేషన్‌లోని సెల్ లో ఉన్న బెడ్‌షీట్‌ను తీసుకొచ్చిన పోలీసులు మంటలను ఆర్పారు.అయితే అంతలోనే తల్లి శరీరం చాలా వరకు కాలిపోయింది. తల్లికి మంటలు వ్యాపిస్తున్న సమయంలో ఆమె కొడుకు మొబైల్ లో వీడియో రికార్డ్ చేశాడు. వెంటనే ఆ మహిళను పోలీసులు ఆస్పత్రిలో చేర్పించారు. ఆ మహిళ శరీరం 40 శాతం కాలిపోయిందని, కన్న కొడుకు అతని తల్లికి నిప్పంటించిన సమయంలో పోలీస్ స్టేషన్ చుట్టుపక్కల ఏర్పాటు చేసిన సీసీటీవీల్లో రికార్డు అయ్యిందని, ఆ ఫుటేజీలను స్వాధీనం చేసుకుని దర్యాప్తు చేస్తున్నామని పోలీసు అధికారులు తెలిపారు.

English summary

Sadistic son who set his mother on fire for property in broad daylight in Uttar Pradesh and made a video