‘ఈ పాత నోట్లు ఎలా మార్చుకోమంటారు’? మోడీ, సుష్మాలకు ట్వీట్ చేసిన మహిళ!
తన దగ్గర రూ. పది వేల వరకు పాత నోట్లు ఉన్నాయని, వాటిని ఎలా మార్చుకోవాలో చెప్పాలంటూ ఓ సెక్స్ వర్కర్ ఏకంగా ప్రధాని నరేంద్ర మోడీకి, సుష్మా స్వరాజ్ కు ట్వీట్ చేసింది.
న్యూఢిల్లీ: ప్రధాని నరేంద్ర మోడీకి ఓ సెక్స్ వర్కర్ ట్వీట్ చేసింది. తన దగ్గర రూ.పది వేల వరకు పాత నోట్లు ఉన్నాయని, వాటిని ఎలా మార్చుకోవాలో చెప్పాలంటూ ఆమె కోరింది. ప్రధాని మోదీతోపాటు విదేశాంగ మంత్రి సుష్మా స్వరాజ్కు కూడా ఆమె ట్వీట్ చేసింది.
తాను ఎలా సెక్స్ వర్కర్ గా మారింది, ఆ డబ్బు తన చేతికెలా వచ్చింది అనే విషయాలన్నీ ఓ పేపర్పై రాసి దానిని వారికి ట్వీట్ చేసింది. బంగ్లాదేశ్కు చెందిన ఆ మహిళను ఉద్యోగం ఇప్పిస్తామంటూ మాయమాటలు చెప్పి ఇండియాకు రప్పించిన కొందరు.. వేశ్యగా మార్చేయగా 2015 డిసెంబర్లో పుణెలోని ఓ వేశ్యాగృహం నుంచి ఆమెను ఓ రెస్క్యూ ఫౌండేషన్ కాపాడిందట.
అయితే నోట్ల రద్దు సమయంలో తనకు చెందిన పాత నోట్లు పుణేలోని వేశ్యాగృహం నిర్వాహకుల దగ్గర ఉండిపోయాయని, ఈ కారణంగా తాను వాటిని మార్చుకోలేకపోయానని ఆమె ప్రధానికి వివరించింది. ఇప్పుడు వాటిని మార్చుకోవడానికి సాయం చేయాలని ఆ ట్వీట్లో కోరింది.
బంగ్లాదేశ్లోని ఓ బట్టల షాపులో పనిచేసే తనను ఉద్యోగం ఇప్పిస్తానని చెప్పి 2013లో తనతోపాటు పనిచేసే వ్యక్తి ఇండియాకు తీసుకొచ్చాడని, అతను వశి అనే వ్యక్తికి తనను అప్పగించగా.. ఓ నేపాలీ మహిళకు రూ.50 వేలకు తనను వశి అమ్మేశాడని వెల్లడించింది.
అక్కడి నుంచి బెంగళూరుకు, ఆ తర్వాత పుణేకు తరలించగా.. అక్కడే తనను వేశ్యగా మార్చేశారని ఆ మహిళ పేర్కొంది. ఏడాదిన్నర తర్వాత 2015, డిసెంబర్లో ఓ రెస్క్యూ ఫౌండేషన్ ఆమెకు కాపాడింది.
ఆ సమయంలో తాను సంపాదించుకున్న రూ.పది వేలు ఈ మధ్యే తన చేతికి అందాయని, అయితే అవన్నీ పాత నోట్లు కావడంతో ఇప్పుడు వాటిని ఎలా మార్చుకోవాలో అర్థం కావడం లేదని, మార్చుకునే అవకాశం ఇవ్వాలని ఆమె ఏకంగా ప్రధాని మోడీకే ట్వీట్ చేసింది.
Click it and Unblock the Notifications
Sign in with Google