కూలింగ్ పీరియడ్?: హిందూ వివాహ చట్టంపై సుప్రీం కీలక తీర్పు
హిందూ వివాహ చట్టంపై సుప్రీంకోర్టు కీలక తీర్పు వెలువరించింది. హిందూ వివాహచట్టం కింద విడాకులు మంజూరు చేయడానికి ముందు తప్పనిసరిగా ఆరునెలల రాజీ గడువును పాటించాల్సిన అవసరం లేదని సుప్రీంకోర్టు .
న్యూఢిల్లీ: హిందూ వివాహ చట్టంపై సుప్రీంకోర్టు కీలక తీర్పు వెలువరించింది. హిందూ వివాహచట్టం కింద విడాకులు మంజూరు చేయడానికి ముందు తప్పనిసరిగా ఆరునెలల రాజీ గడువును పాటించాల్సిన అవసరం లేదని సుప్రీంకోర్టు తీర్పు చెప్పింది.
దంపతులకు ఒకే ఇంటిలో నివసించే ఉద్దేశం లేకపోతే ఆ గడువును ట్రయల్ కోర్టు రద్దు చేయవచ్చని తెలిపింది. విడాకుల దరఖాస్తు తొలి, తుది విచారణకు మధ్య ఆరునెలల గడువు(కూలింగ్ పీరియడ్) ఉండాలని హిందూ వివాహచట్టం సూచిస్తోంది. విడిపోయే దంపతుల మధ్య రాజీకి చివరి అవకాశంగా ఈ నిబంధనను చేర్చారు.
కాగా, చట్టంలోని 13బీ(2) నిబంధన తప్పనిసరికాదని, కోర్టు ఆదేశాలకు అది లోబడి ఉంటుందని సుప్రీంకోర్టు పేర్కొంది. ఎనిమిదేండ్లుగా విడివిడిగా జీవిస్తున్న తమకు ఆరు నెలల సర్దుబాటు గడువు అవసరం లేదని ఓ జంట దాఖలు చేసిన పిటిషన్ విచారణ సందర్భంగా జస్టిస్ ఏకే గోయల్, జస్టిస్ యూయూ లలిత్తో కూడిన ధర్మాసనం ఈ తీర్పును వెలువరించింది.
Click it and Unblock the Notifications
Sign in with Google