కొడుకును చంపిన లేడీ సీఈవో ఆమె కంపెనీలో ఎంతమందికి ఉద్యోగాలు ఇచ్చింది, ఐటీ హబ్ !

ఓ స్టార్టప్ కంపెనీ సీఈవో సుచనా సేఠ్ తన 4 ఏళ్ల కుమారుడిని చంపి, మృతదేహాన్ని సూట్‌కేస్‌లో తీసుకెళ్లిన ఉదంతం యావత్ దేశాన్ని దిగ్భ్రాంతికి గురి చేసింది. మరోవైపు తను పనిచేస్తున్న కంపెనీలో సుచనా సేఠ్ ఎంత మందికి ఉద్యోగాలు ఇచ్చింది ? అని ఇప్పుడు చర్చకు దారితీసింది. సొంత బిడ్డను చంపేసిన సుచనా సేఠ్ కంపెనీ సీఈవో కావడం హాట్ టాపిక్ అయ్యింది.

సుచనా సేఠ్ ఎవరు ?, ఆమె కంపెనీలో ఎంత మందికి ఉపాధి కల్పించింది అని తెలుసుకోవడానికి ఇప్పుడు చాలా మంది ఆసక్తి చూపిస్తున్నారు. పశ్చిమ బెంగాల్ కు చెందిన సుచనా సేఠ్ 12 ఏళ్ల క్రితం బెంగళూరుకు వచ్చింది. తరువాత బెంగళూరులోని కోరమంగళలోని ఓ కంపెనీలో డేటా ఉద్యోగిగా సుచనా సేఠ్ ఉద్యోగంలో చేరి చాలా కాలంపాటు అక్కడే పనిచేసింది.

2020లో బెంగళూరులోని రెసిడెన్సీ రోడ్‌లోని ఒక భవనంలో మైండ్‌ఫుల్ ఏఐ ల్యాబ్ అనే స్టార్టప్ కంపెనీని సుచనా సేఠ్ ప్రారంభించింది. అదే కంపెనీకి సుచనా సేఠ్ సీఈవోగా పని చేస్తోంది. సుచనా సేఠ్ కు చెందిన కంపెనీలో దాదాపు 30 మంది ఉద్యోగులు పనిచేస్తున్నారని ఆమె కంపెనీకి చెందిన వర్గాలు తెలిపాయని ప్రముఖ కన్నడ దినపత్రిక ప్రజావాణి నివేదించింది.

ఈ కేసుకు సంబంధించి గోవా పోలీసులు సుచనా సేఠ్ కు సంబంధించి ఎలాంటి సమాచారం, ఎక్కువ వివరాలు అడగలేదని కర్ణాటకకు చెందిన ఓ సీనియర్ పోలీసు అధికారి ఒకరు తెలిపారు. గోవా పోలీసుల సూచనల మేరకు కుమారుడిని హత్య చేసిన సీఈవో సుచనా సేఠ్ ను ఇప్పటికే పోలీసులు అరెస్ట్ చేశారు. సాధారణంగా ఏ తల్లిదండ్రులు తమ బిడ్డను చంపడానికి ఇష్టపడరు. అయితే ఈ కేసు నేపథ్యం ఏమిటి, సుచనా సేఠ్ ఆమె కన్న బిడ్డను చంపడానికి గల కారణాలేమిటో తెలియాల్సి ఉందని కేసు దర్యాప్తు చేస్తున్న ఓ పోలీసు అధికారులు అంటున్నారు.

English summary

Suchana Seth, the CEO of the company that killed her son, gave jobs to how many people in her company. The Goa police are investigating the reason why the CEO of the company killed her son.