వివాహిత, అవివాహిత మహిళలందరికీ అబార్షన్ హక్కు: సుప్రీంకోర్టు సంచలన తీర్పు

Updated: Thursday, September 29, 2022, 12:35 [IST]

న్యూఢిల్లీ: సుప్రీంకోర్టు గురువారం ల్యాండ్‌మార్క్ జడ్జిమెంట్ ఇచ్చింది. మెడికల్‌ టెర్మినేషన్‌ ఆఫ్‌ ప్రెగ్నెన్సీ (ఎంటీపీ) కేసులో తీర్పును వెలువరించే సమయంలో మహిళలందరికీ అబార్షన్‌ను ఎంచుకునే హక్కు ఉందని సుప్రీంకోర్టు గురువారం స్పష్టం చేసింది.

అబార్షను అనుమతించకపోవడం ఆ స్ఫూర్తికి విఘాతమే

"ఎంటీపీ చట్టం ప్రకారం అవివాహిత స్త్రీలకు అబార్షన్ చేసుకునే హక్కు ఉంది. భారతదేశంలో అబార్షన్ చట్టం ప్రకారం వివాహిత, అవివాహిత స్త్రీల మధ్య ఎటువంటి భేదం చూపబడదు' అని సర్వోన్నత న్యాయస్థానం తేల్చి చెప్పింది. "అబార్షన్ కోసం, రేప్‌లో వైవాహిక అత్యాచారం కూడా ఉంటుంది" అని అత్యున్నత న్యాయస్థానం పేర్కొంది. '20-24 వారాల మధ్య గర్భంతో ఉన్న ఒంటరి లేదా అవివాహిత గర్భిణీ స్త్రీలను అబార్షన్‌కు అనుమతించకుండా నిషేధించడం, వివాహిత మహిళలను అనుమతించడం అనేది ఆర్టికల్ 14 మార్గనిర్దేశక స్ఫూర్తికి విఘాతం కలిగిస్తుంది' అని కోర్టు తన తీర్పులో పేర్కొంది.

చట్టాలు నేటి పరిస్థితులు గుర్తించాలన్న సుప్రీంకోర్టు

న్యాయస్థానం తన తీర్పులో.. "ఆధునిక కాలంలో చట్టం అనేది వ్యక్తుల హక్కులకు వివాహం ఒక ముందస్తు షరతు అనే భావనను తొలగిస్తోంది. ఎంటీపీ చట్టం నేటి వాస్తవాలను పరిగణనలోకి తీసుకోవాలి. పాత నిబంధనలకు పరిమితం కాకూడదు. చట్టం అలాగే ఉండకూడదు. స్థిరంగా, మారుతున్న సామాజిక వాస్తవాలను గుర్తుంచుకోవాలి' అని పేర్కొంది.

వైవాహిక అత్యాచారం కూడా అబార్షన్ల విషయంలో అత్యాచారమే కానీ,

అసురక్షిత అబార్షన్‌లపై ఆందోళన వ్యక్తం చేసిన అత్యున్నత న్యాయస్థానం.. "ప్రసూతి మరణాలకు అసురక్షిత అబార్షన్‌లు మూడవ ప్రధాన కారణం. భారతదేశంలో జరిగే 60% అబార్షన్‌లు సురక్షితం కాదు. సురక్షితమైన అబార్షన్ సేవలకు ప్రాప్యతను నిరాకరించడం ద్వారా, నిర్బంధ గర్భస్రావ పద్ధతులు అసురక్షితానికి దారితీస్తాయి' అని వ్యాఖ్యానించింది.
"లైంగిక వేధింపులు లేదా అత్యాచారం నుంచి బయటపడిన వారి తరగతిలో వివాహితులు కూడా భాగం కావచ్చు. ఒక స్త్రీ తన భర్తతో ఏకాభిప్రాయం లేని సెక్స్ ఫలితంగా గర్భవతి కావచ్చు' అని కోర్టు పేర్కొంది.
వివాహిత భాగస్వామి ద్వారా కూడా ఒక మహిళ అత్యాచారానికి పాల్పడినట్లు క్లెయిమ్ చేస్తే అబార్షన్ కోసం అత్యాచారం అంటూఎఫ్ఐఆర్ నమోదు
చేయవలసిన అవసరం లేదు' అని సుప్రీంకోర్టు స్పష్టం చేసింది.

ప్రాక్టీషనర్ గుర్తింపును వెల్లడంచాల్సిన అవసరం లేదు

పోస్కో చట్టం ప్రకారం అబార్షన్ చేయమని కోరితే రిజిస్టర్డ్ మెడికల్ పిటిషనర్లు మైనర్ గుర్తింపును వెల్లడించాల్సిన అవసరం లేదని సుప్రీంకోర్టు స్పష్టం చేసింది. ఎంటీపీని మైనర్‌లకు దూరం చేయడం శాసనసభ ఉద్దేశం కాదు. మహిళ సామాజిక పరిస్థితులు ఆమె రద్దు నిర్ణయంపై ప్రభావం చూపవచ్చు' అని సుప్రీంకోర్టు పేర్కొంది.