లఖీంపూర్ ఖేరీపై స్టేటస్ రిపోర్ట్ కోరిన సుప్రీంకోర్టు-యోగీ సర్కార్ కు సూటి ప్రశ్నలు
ఉత్తర్ ప్రదేశ్ లోని లఖీంపూర్ ఖేరీలో నిరసనకు దిగిన రైతులపై కారు ఎక్కించి 8 మంది మృతికి కారకులైన వారిపై సుప్రీంకోర్టు ఇవాళ ఆగ్రహం వ్యక్తం చేసింది. ఈ ఘటనలో అసలు నిందితుల్ని గుర్తించారా ? అరెస్టు చేశారా ? ఎఫ్ఐఆర్ నమోదు చేశారా అని సుప్రీంకోర్టు యూపీలోని యోగీ ఆదిత్యనాథ్ సర్కార్ ను నిలదీసింది.
లఖీంపూర్ ఖేరీలో 8 మంది రైతుల మరణానికి కారకులైన నిందితుల్ని ఇంకా అరెస్టు చేయకపోవడంపై సుప్రీంకోర్టు యోగీ సర్కార్ పై ఆగ్రహం వ్యక్తం చేసింది. 24 గంటల్లో ఈ ఘటనకు సంబంధించిన ఎఫ్ఐఆర్ నమోదు, నిందితుల గుర్తింపు, నిందితుల అరెస్టుపై నివేదిక ఇవ్వాలని యోగీ సర్కార్ ను సుప్రీంకోర్టు ఆదేశించింది. లఖీంపూర్ ఖేరీ కేసు విచారిస్తున్న సుప్రీంకోర్టు ప్రధాన న్యాయమూర్తి నేతృత్వంలోని ధర్మాసనం ఈ ఘటనలో మరణించిన వారిలో 19 ఏళ్ల యువకుడి తల్లికి తక్షణ వైద్య సదుపాయాన్ని కల్పించాలని ఆదేశించింది.
ఈ కేసు వింటున్నప్పుడు, ఒక కుమారుడి మరణంతో మరణించిన వారిలో ఒకరికి తల్లి షాక్ లో ఉందని, తక్షణ వైద్య సహాయం అవసరమని మాకు సందేశం వచ్చింది ... మీరు ఆమెను సమీప ఆసుపత్రిలో చేర్పించాలని కోరుకుంటున్నామని సుప్రీంకోర్టు ధర్మాసనం యూపీ అదనపు అడ్వకేట్ జనరల్ గరిమా ప్రసాద్ ను ఉద్దేశించి ఆదేశాలు ఇచ్చింది.
ఈ సందర్భంగా లఖింపూర్ ఖేరీ ఘటన తీవ్ర, దురదృష్టకరమని ఆమె సుప్రీంకోర్టుకు తెలిపారు. దీంతో మాకు కూడా అలాగే అనిపిస్తుందని ప్రధాన న్యాయమూర్తి ఎన్వి రమణ అన్నారు. అయితే ఎఫ్ఐఆర్లో ఎవరు నిందితులు, వారిని అరెస్టు చేశారా లేదా అని తెలుసుకోవాలనుకుంటున్నాము" అని బెంచ్లో జస్టిస్ సూర్య కాంత్ ఉత్తరప్రదేశ్ ప్రభుత్వాన్ని కోరారు చీఫ్ జస్టిస్ రమణ మాట్లాడుతూ, రేపు యూపీ సర్కార్ సమర్పించే స్టేటస్ రిపోర్టులో ఈ ఘటనలో మరణించిన ఎనిమిది మంది వివరాలు ఉండాలన్నారు. మరణించిన వారిలో నలుగురు రైతుల్ని కేంద్ర హోం శాఖ సహాయ మంత్రి, బీజేపీ ఎంపీ అజయ్ కుమార్ మిశ్రా కాన్వాయ్లో భాగమైన వాహనం ఈడ్చుకెళ్లింది. దీనిపై రాష్ట్ర ప్రభుత్వం ప్రత్యేక దర్యాప్తు బృందాన్ని ఏర్పాటు చేసిందని, న్యాయ విచారణ ప్రారంభమైందని యూపీ ఏఏజీ గరిమా ప్రసాద్ తెలిపారు. దీనిపై ఎఫ్ఐఆర్ నమోదు చేసి దర్యాప్తు చేస్తున్నట్లు వెల్లడించారు.
Click it and Unblock the Notifications
Sign in with Google