తత్కాల్ టికెట్ బుకింగ్ కొత్త నిబంధనలు ఇవే: తప్పక తెలుసుకోవాల్సిన విషయాలు

న్యూఢిల్లీ: భారత రైల్వే శాఖ తత్కాల్ టికెట్ బుకింగ్‌లో కొత్త నిబంధనలను అమల్లోకి తెచ్చింది. ఐఆర్‌సీటీసీ కొత్త నిబంధనల ప్రకారం.. తత్కాల్ టికెట్ బుకింగ్, క్యాన్సలేషన్(రద్దు), రిఫండ్ విధానాల్లో మార్పులు చోటు చేసుకున్నాయి.

• సాధారణంగా తత్కాల్ టికెట్ బుకింగ్స్ ఓపెన్ చేసిన తర్వాత టికెట్లు బుక్ అవుతాయి.
• ఇక నుంచి ఏసీ తత్కాల్‌ టికెట్ల బుకింగ్‌ ఉదయం 10 గంటలకు ప్రారంభమవుతుంది.
• నాన్‌-ఏసీ టికెట్ల బుకింగ్‌ 11 గంటలకు ప్రారంభిస్తారు.
• కాగా, తత్కాల్ టికెట్ బుకింగ్స్‌లో సీనియర్ సిటిజన్స్‌కి కూడా ఎలాంటి రాయితీలు ఉండవు.
• టికెట్‌లో మార్పులు చేసుకునే అవకాశం కూడా లేదు.
• కావాలని తత్కాల్ టికెట్ రద్దు చేసుకుంటే ఎలాంటి రిఫండ్ రైల్వే శాఖ నుంచి రాదు.
• అయితే, తత్కాల్‌ టికెట్లు బుక్‌ చేసుకున్నాక.. రైలు 3 గంటలు అంతకుమించి ఆలస్యమైతే ఛార్జీలు పూర్తిగా తిరిగివ్వాలని కోరే అవకాశం కల్పించారు.
• ఒక మార్గంలో వెళ్లే రైలుకు తత్కాల్‌ టికెట్లు బుక్‌ చేసుకున్నాక.. ఆ రైలు రూటును మార్చినా, తాము ఎక్కాల్సిన స్టేషన్‌-దిగాల్సిన స్టేషన్‌ లేదా రెండూ ఆ మార్గంలో లేకపోయినా.. ప్రయాణికులు తమ ప్రయాణాన్ని రద్దు చేసుకుని ఛార్జీలు పూర్తిగా తిరిగివ్వాలని కోరవచ్చన‌ని తెలిపింది.
• బుక్‌ చేసుకున్న క్లాసులో కాకుండా దిగువ తరగతి శ్రేణిలో ప్రయాణించాలని రైల్వే వర్గాలు కోరితే.. ఇష్టం లేని ప్రయాణికులు పూర్తి రిఫండ్‌ కోరవచ్చు.
• అంతేగాక, ప్రయాణికులు అందుకు అంగీకరిస్తే.. ఛార్జీల మధ్య తేడాను ప్రయాణికులకు రైల్వే చెల్లిస్తుంది.

English summary

Tatkal ticket booking in Indian Railways: Several media reports suggest that recently there have been changes in the tatkal ticket booking, cancellation and refund rules. The first thing to note is that no new change has been introduced in 2018.