Viral Video: అదృష్టమంటే ఈమెదే.. త్రుటిలో తప్పిన ప్రమాదం.. కానీ..

| Updated: Tuesday, September 6, 2022, 15:03 [IST]

రోడ్డుపై కొందరు నిర్లక్ష్యంగా వ్యవహరిస్తారు. రోడ్డు దాటుతున్నప్పుడు వాహనాలను చూసుకోకుండా రోడ్డు దాటుతుంటారు. ఇలా చేయడం వల్ల వారికే కాకుండా ఇతరులకు కూడా ప్రమాదం జరగొచ్చు. అందుకే రోడ్డుపై వెళ్తునప్పుడు జాగ్రత్తగా ఉండాలి. ముఖ్యంగా రద్దీగా ఉన్న ప్రదేశాల్లో రోడ్డు జాగ్రత్తగా దాటాలి. తాజాగా ఓ మహిళ రోడ్డు దాటుతుండగా రోడ్డు ప్రమాదం జరిగింది.

రోడ్డు దాటేందుకు

ఇందుకు సంబంధించిన వీడియో సోషల్ మీడియాలో వైరల్ అవుతోంది. ఈ వీడియోలో ముగ్గురు మహిళ రోడ్డు దాటాలని చూస్తున్నారు. వారు రోడ్డు దాటడానికి ముందుకు కదిలారు. కానీ అటు నుంచి 3 కార్లు రావడంతో ఇద్దరు మహిళలు ఆగగా.. మరో మహిళ రోడ్డు యత్నించింది. దీంతో ఓ కారు డ్రైవర్ సడన్ బ్రేక్ వేశాడు. దీంతో వెనకాలే వస్తున్న కారు ఈ కారును ఢీకొట్టింది.

త్రుటిలో తప్పిన ప్రమాదం

ఆ మహిళ ఈ ప్రమాదం నుంచి వెంట్రుకవాసిలో తప్పించుకుంది. ఈ ప్రమాదంలో ఎవరు గాయపడలేదు. ఈ దృశ్యాలు అక్కడే ఉన్న సీసీ కెమెరాలో రికార్డు అయ్యాయి. కానీ మహిళ రోడ్డు దాటే తొందర వల్లే ఈ ప్రమాదం జరిగినట్లు తెలుస్తోంది. అలాగే వెనకాల వచ్చే వానహనం కూడా ఎక్కువ స్పీడ్ లో ఉంది. ఈ ఘటన ఎక్కడ జరిగిందో తెలియరాలేదు.

లక్షల్లో వ్యూస్

ఈ వీడియోను ట్విట్టర్, ఇన్ స్టాలో పోస్ట్ చేయడంతో వైరల్ అవుతోంది. ఈ వీడియో ఇప్పటికే ట్విట్టర్‌లో 1.4 లక్షలకు పైగా వ్యూస్‌ రాగా, ఇన్‌స్టాగ్రామ్‌లో 1.1 లక్షలకు పైగా వ్యూస్ వచ్చాయి. నెటిజన్లు మహిళలు చాలా అజాగ్రత్తగా ఉన్నారని కామెంట్లు చేశారు. ఆ మహిళ ఇద్దరు కారు వినియోగదారులకు నష్టపరిహారం చెల్లించాలని మరొకరు కామెంట్ చేశారు.