రన్నింగ్ ట్రైన్ నుండి ముగ్గురు తోసివేత?
లక్నో: ఓ మతాధికారితో పాటు ముగ్గురు ముస్లింలను రన్నింగ్లో ఉన్న రైలు నుండి బయటకు గుర్తు తెలియని వ్యక్తులు తోసేసిన ఘటన ఒకటి ఉత్తర్ ప్రదేశ్ రాష్ట్రంలో చోటు చేసుకొంది.
న్యూఢిల్లీలో వారు రైలు ఎక్కారు. తమ స్వగ్రామమైన బాగ్పట్ వెళ్ళేందుకు ఈ రైలులో ప్రయాణం చేసే సమయంలో ఈ ఘటన చోటు చేసుకొందని బాగ్పట్ ఎస్పీ జై ప్రకాష్ సింగ్ తెలిపారు.
ఈ ఘటనపై బాగ్బత్ కోట్ పోలీస్ స్టేషన్లో బాధితులు ఫిర్యాదు చేశారని ఎస్పీ తెలిపారు.గుల్జార్, ఇషార్, అబూ బక్ర్ అనే ముగ్గురు రైలు నుండి బయటకు తోసేశారా లేదా అనే విషయాన్ని విచారణలో తేలుతోందని పోలీసులు తెలిపారు.
ఈ ఘటనపై కేసు నమోదు చేసుకొని దర్యాప్తు చేస్తున్నట్టు ఎస్పీ తెలిపారు.ఈ ఘటనపై పోలీసులు అన్ని కోణాల నుండి విచారణ చేస్తున్నారు. విచారణలో పూర్తి వివరాలు బయటపడుతాయని ఎస్పీ వివరించారు.
Click it and Unblock the Notifications
Sign in with Google