యూపీలో కాంగ్రెస్ స్ట్రాటజీ : బలహీనస్థానాల్లో కూటమి అభ్యర్థులకు సపోర్ట్, ఇంటర్వ్యూలో రాహుల్

న్యూఢిల్లీ : యూపీలో మహాకూటమి మెజార్టీ సీట్లు సాధిస్తోందని కాంగ్రెస్ చీఫ్ రాహుల్ ధీమా వ్యక్తం చేశారు. ఎస్పీ-బీఎస్పీ కూటమి, కాంగ్రెస్ పార్టీ కలిసి మెజార్టీ సీట్లు గెలుస్తాయని అంచనా వేశారు. ఎన్నికల్లో గెలిచేందుకు తగిన వ్యుహంతో ముందుకెళ్తున్నట్టు స్పష్టంచేశారు. సార్వత్రిక ఎన్నికల వేళ ఓ ఇంగ్లీష్ వార్తాసంస్థకు తొలిసారి ఇంటర్వ్యూ ఇచ్చారు రాహుల్ గాంధీ.

కూటమిదే విజయం

యూపీలో ఎస్పీ, బీఎస్సీ కూటమి లేదంటే కాంగ్రెస్ పార్టీ మెజార్టీ ఎంపీ సీట్లు గెలుస్తాయని రాహుల్ లెక్కగట్టారు. తమ అభ్యర్థులు బలహీనమైన విజయం సాధిస్తారని ఇటీవల ప్రియాంక చేసిన వ్యాఖ్యలను రాహుల్ సమర్థించారు. యూపీలో ఎలాగైనా ఎక్కువ సీట్లలో గెలువాలని యూపీ ఇంచార్జీలు ప్రియాంక, జ్యోతిరాదిత్య సింధియాకు స్పష్టంచేసినట్టు తెలిపారు. రాష్ట్రంలో ఆయా నియోజకవర్గాల్లో గెలువలేని పరిస్థితి ఉన్న చోట మహాకూటమి అభ్యర్థులకు సపోర్ట్ చేయాలని సూచించినట్టు వెల్లడించారు. ఈ ఎన్నికల్లో మహాకూటమి అభ్యర్థుల విజయం ఖాయమని ధీమా వ్యక్తం చేశారు రాహుల్.

దూరానికి కారణమెంటో ?

యూపీలో కలిసి పోటీచేస్తున్న ఎస్పీ-బీఎస్పీ కూటమి మహాకూటమితో అంటిముట్టనట్టుగా వ్యవహరిస్తున్నారని మీడియా ప్రతినిధి ప్రశ్నిస్తే .. ఆ ప్రశ్న వారినే అడగాలని కోరారు రాహుల్. ఇది వారి వ్యుహాత్మక ఎత్తుగడ అయి ఉంటుందని స్పష్టంచేశారు.

గౌరవించి ఒక్కటిగా ...

వాస్తవానికి యూపీలో మాయావతి, ములాయం సింగ్ కు కాంగ్రెస్ పార్టీ నుంచి ఇబ్బందులు ఉండే పరిస్థితి ఉంది. అయితే వారిద్దరిని గౌరవించి, విలువిచ్చి మహాకూటమి ఏర్పాటు చేశామని గుర్తుచేశారు. దీంతో కూటమి బలపడి, బీజేపీ బలహీనపడుతోందని రాహుల్ అంచనా వేశారు.

English summary

Rahul Gandhi today defended his decision to field candidates in Uttar Pradesh against those of Mayawati and Akhilesh Yadav, reinforcing the comments that have landed his sister Priyanka Gandhi Vadra in a controversy. "It is pretty clear that in UP, a secular formation is winning, whether it is the Samajwadi Party-Bahujan Samaj Party or Congress," the Congress president told NDTV in his first television interview in the 2019 national election.