14 మంది దొంగ బాబాలు: అఖారా పరిషత్, ఆశారాం భక్తుడి బెదిరింపు

తమకు తాము దేవుళ్లుగా ప్రకటించుకుంటూ బాబాలుగా చలామణి అవుతున్న వారి వల్ల మొత్తం సాధువులకు, సన్యాసులకు చెడ్డపేరు వస్తోందని అఖిల భారతీయ అఖాఢా పరిషత్ భావిస్తోంది.

అలహాబాద్: తమకు తాము దేవుళ్లుగా ప్రకటించుకుంటూ బాబాలుగా చలామణి అవుతున్న వారి వల్ల మొత్తం సాధువులకు, సన్యాసులకు చెడ్డపేరు వస్తోందని అఖిల భారతీయ అఖాఢా పరిషత్ భావిస్తోంది.

హిందూ సాధువులకు సంబంధించిన కీలక సంస్థ అయిన ఈ అఖిల్‌ భారతీయ అఖారా పరిషద్ ఆదివారం నకిలీ బాబాల జాబితాను విడుదల చేసింది.

ఇందులో తమను తాము దైవాంశ సంభూతులుగా పేర్కొంటూ బాబాల అవతారం ఎత్తిన 14 మంది నకిలీ ఆధ్యాత్మిక గురువుల పేర్లున్నాయి.

ఆశారాం బాపూ, ఆయన కుమారుడు నారాయణ్‌ సాయి, డేరాబాబా గుర్మీత్‌ రామ్‌ రహీం సింగ్‌, రాంపాల్‌ వంటి గురువుల సంచలనాలు వెలుగు చూసిన నేపథ్యంలో అఖారా పరిషత్ ఈ జాబితాను విడుదల చేసింది.

ఇలాంటి బాబాల గుట్టురట్టు చేసి వారి పనిపట్టేందుకు ఒక చట్టం చేయాలని డిమాండ్‌ చేసింది. ఇలాంటి దొంగ బాబాల విషయంలో అప్రమత్తంగా ఉండాలని ప్రజానీకాన్ని అభ్యర్థించింది.

తాము ఈ జాబితాను కేంద్రంతో పాటూ అన్ని రాష్ట్రాల ప్రభుత్వాలకు పంపుతున్నట్లు పరిషత్ అధ్యక్షులు స్వామి నరేంద్ర గిరి తెలిపారు.

ఈ జాబితాలో ఆశారాం బాపూ పేరును కనుక ప్రస్తావిస్తే చంపేస్తామంటూ అతడి భక్తుడినని చెప్పుకొంటున్న ఓ వ్యక్తి తనకు ఫోన్ చేసి బెదిరించినట్లు చెప్పారు.

English summary

Irked by recent controversies surrounding self-styled godmen, the Akhil Bharatiya Akhara Parishad, the top body of Hindu sadhus, today released a list of 14 "fake babas" and demanded a crackdown on "rootless cult leaders" by bringing in a legislation.