షాక్: దొంగిలించారని తాళ్లతోకట్టి నగ్నంగా పరుగెత్తించారు

పనాజీ: గోవాలో దారుణం జరిగింది. మొబైల్స్ దొంగిలించారని ఇద్దరి పట్ల అమానవీయంగా వ్యవహరించారు. పలువురు ఈ దారుణానికి పాల్పడ్డారు. విదేశీయులకు చెందిన మొబైల్స్, ఇతర వస్తువులను దొంగింలించారనే అనుమానంతో ఇద్దరిని స్థానికులు పట్టుకుని కర్రలతో కొట్టారు.

ఆ తర్వాత కొందరు ఆ ఇద్దరిని దుస్తులు విప్పించి తమ బైక్‌ల పైన తాడుతో కట్టి పరుగెత్తించారు. ఇది గత నెల 21న జరిగింది. అయితే ఆలస్యంగా వెలుగులోకి వచ్చింది. మొబైల్స్ దొంగిలించిన ఇద్దరిపై పోలీసులు కేసు నమోదు చేశారు. స్థానికులపై కూడా మరో కేసు నమోదు చేశారు.

ఈ సంఘటన గోవా రాజధాని పనాజీకి దక్షిణాన 80 కిలోమీటర్ల దూరంలో ఉన్న ఓ ఫోర్ట్ వద్ద జరిగింది. స్థానిక టీవీ ఛానళ్ల ఇది రావడంతో వెలుగులోకి వచ్చింది.

విజువల్‌లో కనిపిస్తున్న బాధితులు ఇద్దరు కూడా ఎక్కడి వారో తెలియదు. అయితే వారిని దాదాపు ఓ ముప్పై మంది స్థానికులు తాడుతో కట్టేసి రోడ్డు పైన పరుగెత్తించారు. ఇద్దరు దొంగల పైన అమానవీయంగా ప్రవర్తించిన స్థానికులలో పలువురిని పోలీసులు అదుపులోకి తీసుకున్నారు.

English summary

In a shocking case of vigilante justice, two men in their mid-twenties were roughed up, dragged and paraded naked by a mob after locals suspected they were thieves, police said on Monday.