వీడియో: పిజ్జా డెలివరీ గర్ల్‌‌పై కర్రలతో నలుగురు మహిళల దాడి, అందరూ చూశారే కానీ

ఇండోర్: ఓ యువ మహిళా డొమినోస్ పిజ్జా డెలివరీ ఉద్యోగినిని నలుగురు మహిళల బృందం వీధుల్లో దారుణంగా కొట్టారు. ఈ ఘటన మధ్యప్రదేశ్‌లోని ఇండోర్‌లో చోటుచేసుకుంది.ఆ అమ్మాయి నొప్పితో ఏడుస్తూ.. రోదనలు చేసినా అక్కడున్నవారెవరూ కూడా ఆమెకు సహాయం చేయకపోవడం విచారకరం.

పిజ్జా చైన్ ఉద్యోగి తాను పోలీసులను పిలుస్తానని చెప్పినప్పుడు.. దాడిచేసిన వారిలో ఒక మహిళ "వెళ్లి ఫిర్యాదు చేయి" అంటూ విరుచుకుపడింది. కర్రలు, చేతులతో దారుణంగా కొట్టారు. కిందపడినా కూడా వదలకుండా ఆమెను కొట్టారు.

కాగా, నందిని అనే పిజ్జా డెలివరీ ఉద్యోగినిని కొట్టిన నలుగురు మహిళలపై పోలీసులు కేసు నమోదు చేశారు. అతడి ఫిర్యాదు మేరకు కేసు నమోదు చేశారు.

A female employee was thrashed by 4 women in Madhya Pradesh's Indore. The video of the incident shows four women beating up the victim, a pizza chain employee, using sticks and fists, for allegedly staring at them.#Indore #MadhyaPradesh #Dominos #Pizza #Assualt #Viral #India pic.twitter.com/t6SsmhiiW8

— Anjali Choudhury (@AnjaliC16408461) June 13, 2022

నిందితులైన మహిళలు స్థానిక ముఠాకు చెందిన వారు. దాడికి సంబంధించిన వీడియోను ముఠా స్వయంగా వైరల్ చేసిందని ఆరోపించారు. ఈ ఘటనను కెమెరాలో చిత్రీకరించి ట్విట్టర్‌లో పంచుకున్నారు. మహిళల బృందం బాలికపై అసభ్యంగా ప్రవర్తించి మరీ కొట్టారని ప్రజలు విమర్శించారు. చివరకు సమీపంలోని నివాసంలో దాక్కుని బాలిక తనను తాను రక్షించుకుంది.

బాధితురాలి ఫిర్యాదు మేరకు ఆమెను కొట్టిన నలుగురు మహిళలపై పోలీసులు కేసు నమోదు చేశారు. నిందితులను గుర్తించేందుకు ప్రయత్నిస్తున్నామని పోలీసులు తెలిపారు. అయితే, నిందితులు తమను చూసిందనే కారణంతోనే బాధితురాలిపై దారుణంగా దాడి చేసినట్లు తెలుస్తోంది.

English summary

video: Group of women beat up pizza chain employee in Indore.