2024 మాత్రమే కాదు.. 2027, 2032 కూడా మావే- యోగీ ఆదిత్యనాథ్ జోస్యం..

యూపీలో భారీ మెజారిటీతో వరుసగా రెండోసారి అధికారంలోకి వచ్చిన బీజేపీ ప్రభుత్వం వచ్చే ఏడాది పార్లమెంట్ ఎన్నికలకు సిద్దమవుతోంది. అదే సమయంలో యూపీలో తమ పాలనను సుస్దిరం చేసుకునేందుకు ప్రయత్నాలు చేస్తోంది. దీంతో తాజాగా జరుగుతున్న అసెంబ్లీ సమావేశాల్లో సీఎం యోగీ ఆదిత్యనాథ్.. బీజేపీ భవిష్యత్ విజయాలపై కీలక జోస్యం చెప్పారు. వచ్చే ఏడాది జరిగే సార్వత్రిక ఎన్నికలతో పాటు 2027, 2032లో జరిగే యూపీ ఎన్నికల్లోనూ తామే గెలుస్తామన్నారు.

ఉత్తరప్రదేశ్ ముఖ్యమంత్రి యోగి ఆదిత్యనాథ్ నిన్న అసెంబ్లీలో 2024 పార్లమెంట్ ఎన్నికల ఫలితం ఇప్పటికే ఖరారైందని, 2027, 2032లో రాష్ట్రంలో జరిగే ఎన్నికలలో కూడా బీజేపీ విజయం సాధిస్తుందని ప్రకటించారు. వ్యవసాయ ఆదాయం, కుల గణన, శాశ్వత డీజీపీని నియమించడంలో వైఫల్యంపై విధానసభలో ప్రభుత్వాన్ని విపక్షాలు లక్ష్యంగా చేసుకున్నాయి. ఈ నేపథ్యంలో విపక్ష నేత అఖిలేష్ ను యోగీ హేళన చేస్తూ ..2014, 2017, 2019, 2022 లోక్‌సభ, అసెంబ్లీ ఎన్నికల్లో ప్రజలు మిమ్మల్ని ఎందుకు ఎన్నుకోలేదో మీ ప్రసంగం స్పష్టం చేసిందని అన్నారు.

2014, 2017, 2019, 2022 సంవత్సరాల్లో ప్రజల తీర్పులు అలా ఉండవని అఖిలేష్ ప్రకటన స్పష్టం చేస్తోందని యోగీ తెలిపారు. వెండి చెంచాతో పుట్టిన వారికి పేదలు, రైతులు, దళితుల సమస్యలు అర్థం కావన్నారు. గత ప్రభుత్వ హయాంలో వెనుకబడిన వర్గాలను ఆదుకున్నట్లు ఎవరికీ కనిపించడం లేదన్నారు. విచ్చలవిడి పశువులు పంటలను ధ్వంసం చేయడం, ప్రమాదాలకు కారణమవుతున్నాయన్న అంశంపై అఖిలేష్‌ను యోగీ టార్గెట్ చేశారు. తమ హయాంలో జంతువులను కబేళాలకు ఇవ్వడంపై యాదవ్ ఇప్పుడు ఆందోళన చెందుతున్నారని విమర్శించారు.

శుక్రవారం అసెంబ్లీ వర్షాకాల సమావేశాలకు చివరి రోజు.. అఖిలేష్ తన ప్రసంగంలో గోరఖ్‌పూర్‌లో విచ్చలవిడి పశువులు, ద్రవ్యోల్బణం, నీటి ఎద్దడి వంటి సమస్యలను ప్రస్తావించారు. నీటి ఎద్దడిపై సీఎం ఆరోపణను తోసిపుచ్చారు. ఊహించని విధంగా భారీ వర్షాలు కురుస్తున్నప్పటికీ గోరఖ్‌పూర్ ప్రజలు హాయిగా జీవిస్తున్నారని అన్నారు. ఉపాధ్యాయుల అరెస్టుకు దారితీసిన పాఠశాల విద్యార్థిని మరణంలో ఉపాధ్యాయులు బెయిల్‌పై విడుదలయ్యారని గుర్తుచేశారు. వీటికి యోగీ కౌంటర్ ఇచ్చారు.

English summary

uttar pradesh cm yogi adityanath has express his confidence over bjp winning 2024 general elections and 2027, 2032 Assembly polls also.