ఇంట్లో 12 మంది అమ్మాయిలతో.., పేరెంట్సే గిఫ్ట్‌గా ఇచ్చారు

పెన్సిల్వేనియా: పెన్సిల్వేనియా ప్రాంతంలో ఓ వ్యక్తి తన ఇంట్లో పన్నెండు మంది అమ్మాయిలను పెట్టుకొని లైంగిక దాడికి పాల్పడుతున్నాడు. ఈ సంఘటన ఆలస్యంగా వెలుగు చూసింది. అయితే, విచారణలో తేలిన విషయమేమంటే.. ఆ అమ్మాయిల తల్లిదండ్రులే ఆయనకు వారిని అప్పగించారని.

తన ఇంట్లో అమ్మాయిలను ఉంచుకున్న వ్యక్తి పేరు లీ కప్గాన్. అతని వయస్సు 51. ఆ పక్కింట్లోనే జెన్ బెట్జ్ అనే మహిళ ఉండేది. లీ కప్గాన్ ఇంట్లో పన్నెండు మంది అమ్మాయిలు ఉండటంపై ఆమెకు అనుమానాలు కలిగేవి. చివరకు పోలీసులను ఆశ్రయించింది.

అమ్మాయి తల్లిదండ్రులను పోలీసులు విచారించారు. ఆ విచారణలో షాకింగ్ విషయం బయటపడింది. తమ కుటుంబం దివాళా తీయకుండా సాయం చేసినందుకు గాను తామే అతనికి కూతురిని బహుమతిగా అప్పగించినట్లు చెప్పారని తెలుస్తోంది.

పన్నెండు మంది అమ్మాయిల్లో ఒకామె 14 ఏళ్లకే గర్భం దాల్చింది. ఆయన ఇంట్లో 18 ఏళ్ల అమ్మాయి, ఆమె ఇద్దరు పిల్లలతో పాటు 12 మంది అమ్మాయిలు కనిపించారు. ఆ ఇంట్లో అమ్మాయిలు ఎప్పుడూ భయంగా కనిపించే వారని, అసలు బయటకు రాకపోయేవారని పోలీసులకు ఫిర్యాదు చేసిన జెన్ బెట్జ్ తెలిపారు.

English summary

Man, 51, is arrested on child sex charges after TWELVE girls are rescued from his home, including 14-year-old with whom he fathered two children after she was gifted to him by her Amish parents