అమెరికాలో మళ్లీ కాల్పులు.. ఇద్దరు మృతి, ముగ్గురికి గాయాలు

వాషింగ్టన్: అమెరికాలో మళ్లీ కాల్పుల కలకలం రేగింది. న్యూఓర్లీన్స్‌లోని లోవర్ 9 వార్డులో చోటుచేసుకున్న కాల్పుల ఘటనలో ఇద్దరు మరణించారు. స్థానిక కాలమానం ప్రకారం మంగళవారం రాత్రి 8 గంటల ప్రాంతంలో ఈ ఘటన జరిగింది.

సెయింట్ క్లాడ్ ఎవెన్యూ 5100 బ్లాక్ సమీపంలోని పెట్రోల్ పంపు పక్కన ఆగి ఉన్న కారులో ఓ మృతదేహాన్ని గుర్తించారు. సంఘటనకు ముందు కొందరు వ్యక్తులు అక్కడ ఘర్షణ పడినట్టు స్థానికులు పేర్కొన్నారు.

అయితే వారెందుకు ఘర్షణ పడ్డారన్న దానిపై ఇంకా స్పష్టత రాలేదని, దాడికి పాల్పడిన వారిని ఇంకా గుర్తించాల్సి ఉందని అధికారులు తెలిపారు. ఈ కాల్పుల ఘటనలో ఓ వ్యక్తి అక్కడికక్కడే మృతిచెందగా... మరో వ్యక్తి ఆస్పత్రిలో చికిత్స పొందుతూ మరణించినట్లు తెలిపారు.

ఈ కాల్పుల ఘటనలో తీవ్రంగా గాయపడిన మరో ముగ్గురు వ్యక్తులు కూడా ఆస్పత్రిలో చికిత్స పొందుతున్నారని, వారి పరిస్థితి ప్రస్తుతం నిలకడగానే ఉందని అధికారులు తెలిపారు.

English summary

Two men were killed and three people were wounded following gunfire in the Lower 9th Ward on Tuesday night, New Orleans police said. Tuesday night's killings came a few hours after one person was slain in a shooting in the 2400 block of St. Charles Avenue as a Mardi Gras parade passed by. Two others were wounded in a separate shooting reported in the Central Business District one block off St. Charles while a parade rolled through that neighborhood as well. Police said they would search through the night for multiple suspects in the Lower 9th Ward slayings but did not identify them or any of the victims.