ఆప్ఘనిస్తాన్‌లో మళ్లీ ఉగ్రదాడి.. 22 మంది దుర్మరణం, 50 మందికిపైగా గాయాలు

ఆప్ఘనిస్తాన్‌లో ఉగ్రవాదులు మరోసారి తెగబడ్డారు. హెల్మండ్‌ ప్రావిన్స్ లో గురువారం జరిగిన ఆత్మాహుతి దాడిలో 22 మంది మృతి చెందగా మరో 50 మందికి పైగా గాయపడ్డారు.

హెల్మండ్‌ : ఆప్ఘనిస్తాన్‌లో ఉగ్రవాదులు మరోసారి తెగబడ్డారు. హెల్మండ్‌ ప్రావిన్స్ లో గురువారం జరిగిన ఆత్మాహుతి దాడిలో 22 మంది మృతి చెందగా మరో 50 మందికి పైగా గాయపడ్డారు.

హెల్మండ్‌ ప్రావిన్స్ రాజధాని లోని లష్కర్‌ బాగ్‌లోని న్యూ కాబూల్ బ్యాంకు ఎదుట ఈ దారుణం చోటు చేసుకుంది. సాయుధులైన ఉగ్రవాదులు కాబూల్ బ్యాంక్ ఎదుట ఆత్మాహుతి దాడికి పాల్పడ్డారు.

దీంతో ఒక్క సారిగా ఆ ప్రాంతం పేలుళ్ల మోతలతో దద్దరిల్లిపోయింది. ఈ దుర్ఘటనలో రెండు డజన్ల మంది మృతి చెందగా పదుల సంఖ్యలో గాయపడ్డారు. గాయపడిన వారిని చికిత్స నిమిత్తం ఎమర్జెన్సీ హాస్పిటల్ కు తరలించారు.

అక్కడి కాలమానం ప్రకారం మధ్యాహ్నం 12 గంటల ప్రాంతంలో ఈ దారుణం చోటుచేసుకుంది. తాలిబన్లకు చెందిన ఏ టెర్రరిస్టు గ్రూపు ఈ దాడికి పాల్పడిందో ఇప్పటి వరకు తెలియరాలేదు. క్షతగాత్రుల్లో సాధారణ పౌరులతోపాటు సైనికులు కూడా ఉన్నారు.

English summary

As many as 22 people were killed and 50 others wounded when the militants launched a suicide attack on New Kabul Bank branch in Lashkargah, capital of Helmand province on Thursday. The intense fighting is still going on between the security forces and militants. The blast took place at about 12 noon local time after a car bomb exploded, killing 24people and wounding over 50 others, Tolo News quoted a spokesman for the provincial governor Omar Zwak as saying.