Viral Video: నీటిలో ఉన్న మొసలిని వేటాడిన చిరుత.. చూస్తే షాక్ అవ్వాల్సిందే..

Updated: Thursday, August 18, 2022, 15:23 [IST]

జంతువులకు సంబంధించిన వీడియోలు సోషల్ మీడియాలో వైరల్ అవుతుంటాయి. ముఖ్యంగా వేటాడే దృశ్యాలు ఎక్కువగా వైరల్ అవుతాయి. తాజాగా ఓ చిరుత వీడియో వైరల్ అవుతోంది. ఈ వీడియోలో ఓ చిరుత అత్యంత చాకచక్యంగా మొసలిని వేటాడింది. అదీ నీటిలో ఉన్న మొసలిని. ఈ వీడియో సోషల్ మీడియాలో తెగ చక్కర్లు కొడుతోంది.

రెండేళ్ల క్రితం

సోమవారం ఫిగెన్ అనే వినియోగదారు షేర్ చేసిన ఈ వీడియో వాస్తవానికి రెండేళ్ల క్రితం వహ్సీ హయత్లర్ అనే మరో వినియోగదారు ట్విట్టర్‌లో పోస్ట్ చేయబడింది, కానీ ఇప్పుడు వైరల్ అవుతోంది. ఈ పోస్ట్‌తోపాటు "OMG వాట్ ఎ పవర్," క్యాప్షన్ కూడా పెట్టారు. వీడియోలో చిరుత నదికి సమీపంలోని కొమ్మలు, పొదల మధ్య దాక్కుని, మొసలిపై దృష్టి పెట్టింది. ఆ తర్వాత నీటిలో తేలియాడుతున్న మొసలిపైకి ఒక్కసారిగా దూకి దానిపై దాడి చేసింది.

2.6 మిలియన్ల వ్యూస్

42-సెకన్ల క్లిప్‌లో, రెండు క్రూరమైన అడవి జంతువులు మనుగడ కోసం తీవ్రమైన యుద్ధంలో పోరాడుతున్నట్లు చూడవచ్చు. ఈ యుద్ధంలో చిరుత విజయం సాధించింది. వీడియో షేర్ చేయబడినప్పటి నుంచి 2.6 మిలియన్ల వ్యూస్ వచ్చాయి. 27,000 కంటే ఎక్కువ లైక్‌లు వచ్చాయి. దాదాపు 4,800 మంది వినియోగదారులు ట్విట్టర్‌లో వీడియోను మళ్లీ షేర్ చేశారు.

కిల్లర్ తిమింగలాలు

"చిరుత దవడ బలం అద్భుతంగా ఉంది. అన్ని పెద్ద పిల్లుల కంటే బలమైనది" అని ఒక వినియోగదారు రాశారు.
ఈ నెల ప్రారంభంలో ఆన్‌లైన్‌లో ఓ వీడియో వైరల్ అయింది. అందులో కిల్లర్ తిమింగలాలు యునైటెడ్ స్టేట్స్‌లోని సీ వరల్డ్‌లో ఒకదానిపై ఒకటి పదేపదే దాడి చేయడం చూడొచ్చు.