ఇజ్రాయెల్ లోనూ కొలీజియం తరహా పోరు-జనాగ్రహం-వెనక్కి తగ్గాలని ప్రధానికి అధ్యక్షుడి ఆదేశం
జెరూసలేం : యూదు దేశం ఇజ్రాయెల్ లోనూ భారత్ తరహాలోనే న్యాయనియామకాలు వివాదాస్పదం అవుతున్నాయి. దీంతో అక్కడి బెంజమిన్ నెతన్యాహు ప్రభుత్వం న్యాయసంస్కరణలకు తెరదీసింది. దీన్ని నిరసిస్తూ జనం భారీగా రోడ్లపైకి వచ్చారు. ఈ నేపథ్యంలో న్యాయసంస్కరణలపై వెనక్కి తగ్గాలని ప్రధాని నెతన్యాహును అధ్యక్షుడు ఇసాక్ హెర్జోగ్ కోరారు.
గత కొంతకాలంగా ఇజ్రాయెల్ లో భారీ నిరసనలకు దారితీసిన న్యాయ వ్యవస్థ వివాదాస్పద సవరణను వెంటనే ఆపాలని ఇజ్రాయెల్ అధ్యక్షుడు ఐజాక్ హెర్జోగ్ ఇవాళ ప్రధాన మంత్రి బెంజమిన్ నెతన్యాహును కోరారు. "ఇజ్రాయెల్ ప్రజల ఐక్యత కొరకు, బాధ్యత కొరకు, శాసన ప్రక్రియను వెంటనే నిలిపివేయాలని మిమ్మల్ని కోరుతున్నాను" అని ట్విట్టర్ లో అధ్యక్షుడు హెర్జోగ్ తెలిపారు.ఇజ్రాయెల్ చరిత్రలోనే అతిపెద్ద నిరసన తర్వాత హెర్జోగ్ ట్విట్టర్లో ఈ ట్వీట్ చేశారు. ప్రభుత్వం తీరు వల్ల భద్రత, ఆర్థిక వ్యవస్థ, సమాజం ముప్పుకు గురవుతున్నట్లు ఆయన తెలిపారు.
ఇజ్రాయెల్ ప్రజలందరి కళ్లూ నీ మీద ఉన్నాయని, యూదు ప్రజలందరి దృష్టి నీపైనే ఉందని, ప్రపంచం మొత్తం మీపైనే ఉందని ప్రధాని నెతన్యాహును ఉద్దేశించి అధ్యక్షుడు హెర్జోగ్ వ్యాఖ్యానించారు. మితవాద ప్రభుత్వ ప్రణాళికకు వ్యతిరేకంగా ఇజ్రాయెల్లో ఈ వారాంతంలో రికార్డు స్థాయిలో 630,000 మంది ప్రజలు వీధుల్లోకి వచ్చారు. న్యాయ సంస్కరణలకు వ్యతిరేకంగా మట్లాడిన తన కేబినెట్ మంత్రి గాలంట్ ను కూడా నెతన్యాహు తప్పించారు.
సుప్రీం కోర్టు నిర్ణయాలను తోసిపుచ్చడానికి మరియు రాజకీయ నాయకులకు న్యాయ నియామకాలపై సమర్థవంతమైన నియంత్రణను ఇవ్వడానికి ఇజ్రాయెల్ పార్లమెంటు నెస్సెట్ లో సాధారణ మెజారిటీని అనుమతించే బిల్లుపై పాలక కూటమిలోచీలిక తలెత్తింది. ప్రస్తుతం ఇజ్రాయెల్ రాజ్యాంగాన్ని రూపొందించే ప్రాథమిక చట్టాలను ఉల్లంఘించినట్లు భావించే చట్టాన్ని కొట్టేసే అధికారం హైకోర్టుకు ఉంది. న్యాయనిపుణులు, చట్టసభ సభ్యుల మధ్య ఏకాభిప్రాయం తర్వాత న్యాయమూర్తులను నియమిస్తున్నారు. దీన్ని సవరించేందుకు నెతన్యాహు ప్రభుత్వం చేస్తున్న ప్రయత్నాలు నిరసనలకు దారితీశాయి.
Click it and Unblock the Notifications
Sign in with Google