అమెరికా ఫస్ట్‌ లేడీ.. చుట్టూ ఆడ పోలీసులు.. జపాన్ పర్యటనలో ప్రత్యేక రక్షణ!

అమెరికా అధ్యక్షుడు డోనాల్డ్ ట్రంప్ ఆసియా దేశాల పర్యటన సందర్భంగా అమెరికా ఫస్ట్ లేడీ మెలానియాకు ప్రత్యేక భద్రతా బృందాన్ని ఏర్పాటు చేశారు. వాళ్లంతా మహిళలే కావడం విశేషం.

By Ramesh Babu

Published: Saturday, November 4, 2017, 18:18 [IST]

టోక్యో: అమెరికా అధ్యక్షుడు డోనాల్డ్ ట్రంప్ ఆసియా దేశాల పర్యటన ప్రారంభమైంది. ఆయనతో పాటు ఆయన సతీమణి మెలానియా ట్రంప్ కూడా ఈ టూర్‌కు వెళ్తున్నారు. ట్రంప్ అడ్వైజర్ ఇవాంకా ట్రంప్ కూడా ఇప్పటికే జపాన్ చేరుకున్నారు.

ఈ పర్యటన సందర్భంగా అమెరికా ఫస్ట్ లేడీ మెలానియాకు ప్రత్యేక భద్రతా బృందాన్ని ఏర్పాటు చేశారు. వాళ్లంతా మహిళలే కావడం విశేషం. ట్రంప్, ఆయన భార్య మెలానియా ఆదివారం టోక్యో చేరుకోనున్నారు.

జపాన్‌లో పర్యటిస్తున్న సమయంలో ఆ దేశ మహిళా భద్రతాధికారులు మెలానియా, ఇవాంకాకు ప్రత్యేక భద్రతను కల్పించనున్నారు. ప్రత్యేకంగా శిక్షణ పొందిన మహిళా సిబ్బంది పర్యవేక్షణలోనే మెలానియా, ఇవాంకాలు జపాన్‌లో పర్యటించనున్నారు.

ఈ ఇద్దరి చుట్టూ మొత్తం మహిళా భద్రతా సిబ్బందే ఉంటారు. ఈ బృందంలో ఒక్క మగ పోలీసు కూడా ఉండరు. ఈ నేపథ్యంలో ఫిమేల్ పోలీస్ స్కాడ్ టోక్యోలో మీడియా ముందు ప్రత్యేక ప్రదర్శన ఇచ్చారు.

బ్లాక్ సూట్‌తో వాళ్లు ఓ డ్రిల్ చేశారు. అతిథులను అట్రాక్ట్ చేస్తున్నట్టుగా ఉండే విధంగానే మహిళా పోలీసులకు డీసెంట్ డ్రెస్ కోడ్‌ను డిజైన్ చేశారు.

Published On November 4, 2017