అమ్మో.. కిమ్! కొంప ముంచేలాగే ఉన్నాడు, క్షిపణుల తరలింపును పసిగట్టిన అమెరికా శాటిలైట్లు!

ఉత్తరకొరియా అధినేత కిమ్ జాంగ్ ఉన్ ఏమాత్రం తగ్గడం లేదు. తాజాగా రాజధాని ప్యాంగ్‌యాంగ్ సమీపానికి క్షిపణులు తరలిస్తున్నారు.

వాషింగ్టన్: ఉత్తరకొరియా లొంగేలాగ కనిపించడం లేదు. ఆ దేశాధినేత కిమ్ జాంగ్ ఉన్ తన దూకుడును ఏమాత్రం తగ్గించడం లేదు. తాజాగా ఉత్తరకొరియా రాజధాని ప్యాంగ్‌యాంగ్ సమీపానికి క్షిపణులు తరలిస్తున్నారు. ఉత్తరకొరియాపై నిఘా పెట్టిన అమెరికా శాటిలైట్లు తీసిన చిత్రాల్లో ఈ విషయం స్పష్టమైంది.

అమెరికాపై దాడి చేసే తీరుతామంటూ మాటల బాంబులు విసురుతున్న ఉత్తరకొరియా నియంత కిమ్ లోలోపల ఆ దిశగా చేయాల్సిన పనులు చేసుకుంటూ పోతున్నట్లు దీనిని బట్టి స్పష్టమవుతోంది.

దీంతో అమెరికా రక్షణ శాఖ అధికారులు కూడా అప్రమత్తమయ్యారు. ఉత్తరకొరియాలో తరలిస్తున్న క్షిపణులు వాసాంగ్-14 ఇంటర్‌ కాంటినెంటల్ బాలిస్టిక్ మిసైళ్లా? లేక వాసాంగ్-12 ఇంటర్మీడియట్ రేంజ్ బాలిస్టిక్ మిసైళ్లా? అనే విషయాన్నివారు పరిశీలిస్తున్నారు.

కొరియా ద్వీపకల్ప ప్రాంతంలో అమెరికా బాంబర్లు చక్కర్లు కొట్టిన రోజుల వ్యవధిలోనే ఉత్తరకొరియా అధ్యక్షుడు కిమ్ ఇలా దూకుడుగా వ్యవహరించడం ఏ విపరీతాలకు దారితీస్తుందో?

కొన్ని రోజులు మౌనంగా ఉన్న కిమ్ మళ్లీ ఇటీవలే హెచ్చరికలు మొదలుపెట్టారు. అమెరికా అధీనంలోని గువామ్ ద్వీపంపై దాడికి ట్రిగ్గర్ నొక్కేందుకు సిద్ధంగా ఉన్నామని ప్రకటించారు. ఈ నేపథ్యంలోనే క్షిపణులు తరలిస్తుండడంతో ఏ క్షణంలో అణుయుద్ధం ముంచుకొస్తుందో అని అమెరికా ప్రజలు భయపడుతున్నారు.

English summary

US satellites captured images of missiles mounted on transport erector launchers (TELs) being moved out of a hangar to locations near the capital, Pyongyang. Experts believe the nuclear state is planning a fiery response to the US deployment of a carrier strike group and nuclear–powered submarine on the Korean Peninsula. It comes just days after the United States sent bombers to fly over the Peninsula – despite Kim Jong-un saying he would shoot any aircraft out of the sky. A source said: ”The North may carry out a simultaneous launch of ICBM and IRBM within a few days in protest against the US’s show of military might.”