మాజీ ప్రేయసికి కీలక పదవి కట్టబెట్టిన ఉత్తరకొరియా కిమ్
ఉత్తరకొరియా నియంత కిమ్ జాంగ్ ఉన్ కొద్దిరోజులుగా అధికార పార్టీలో భారీ మార్పులు చేస్తూ అందరినీ ఆశ్చర్యపరుస్తున్నారు. ఇటీవలే తన చెల్లెలు కిమ్ యో జాంగ్ ను పార్టీ పోలిబ్యూరోలోకి తీసుకున్న కిమ్ తాజాగా తన మ
ప్యాంగ్యాంగ్ : ఉత్తరకొరియా నియంత కిమ్ జాంగ్ ఉన్ కొద్దిరోజులుగా అధికార పార్టీలో భారీ మార్పులు చేస్తూ అందరినీ ఆశ్చర్యపరుస్తున్నారు. ఇటీవలే తన చెల్లెలు కిమ్ యో జాంగ్ ను పార్టీ పోలిబ్యూరోలోకి తీసుకున్న కిమ్ తాజాగా తన మాజీ ప్రేయసిని కూడా అందలమెక్కించారు.
కిమ్ జాంగ్ ఉన్ మాజీ ప్రేయసి పేరు హ్యోన్ సాంగ్ వోల్. తాజాగా ఉత్తరకొరియా అధికార వర్కర్స్ పార్టీ సెంట్రల్ కమిటీలోకి ఈమెను కూడా కిమ్ ప్రమోట్ చేశారు. హ్యోన్ గతంలో మోరాన్బాంగ్ పట్టణానికి నాయకురాలిగా పని చేశారు.
అంతకుముందు ఓ ఫీమేల్ పాప్ బ్యాండ్ను ఆమె లీడ్ చేశారు. ఈ సమయంలోనే కిమ్.. హ్యోన్తో ప్రేమలో పడ్డారు. అయితే 2013లో హ్యోన్ సాంగ్ వోల్ పై ఆమె కుటుంబసభ్యులు చూస్తుండగానే ఫైరింగ్ స్వ్కాడ్ కాల్పులు జరిపింది.
తన శృంగార కాలాపాలను సెక్స్ టేపులుగా మార్చి అమ్మజూపిందనేది ఆమెపై ప్రధాన ఆరోపణ. ఈ ఘటనలో ఆమె చావునుంచి తప్పించుకుంది. మరోవైపు తన సన్నిహితులకు అధికార పార్టీలో, ప్రభుత్వంలో కీలక పదవులు కట్టబెడుతున్నారనే ఆరోపణలు కూడా కిమ్ పై వస్తున్నాయి.