ప్రేయసి హత్య కేసులో పిస్టోరియస్ దోషి: తేల్చిన కోర్టు

ప్రిటోరియా: ప్రముఖ బ్లేడ్ రన్నర్ ఆస్కార్ పిస్టోరియస్‌ను శుక్రవారం దక్షిణాఫ్రికాలోని ప్రిటోరియా కోర్టు అతడి ప్రేయసి రీవా స్టీన్‌క్యాంప్ హత్య కేసులో దోషిగా ప్రకటించింది. ఫలితంగా అతడికి దీర్ఘకాలంపాటు జైలు శిక్ష పడే అవకాశం ఉండొచ్చని భావిస్తున్నారు.

ప్రణాళిక ప్రకారం హత్య చేశాడన్న కేసులో పిస్టోరియస్ నిర్దోషి అని అని గురువారం ప్రకటించిన న్యాయస్థానం.. నిర్లక్ష్యపూరితంగా వ్యవహరించి హత్య చేసినందుకు శుక్రవారం పిస్టోరియస్‌ను దోషిగా ప్రకటిస్తూ తీర్పు చెప్పింది. ఘటన జరిగిన సమయంలో పిస్టోరియస్ గన్ ఉపయోగించడంలో అత్యంత నిర్లక్ష్యంగా వ్యవహరించాడని కోర్టు పేర్కొంది.

పిస్టోరియస్ నిరుడు ఫిబ్రవరి 14వ తేదీ అర్ధరాత్రి తన ప్రియురాలు రీవాను కాల్చి చంపాడు. తాను ఉద్దేశపూర్వకంగా ఆమెను హత్య చేయలేదని, ఇంట్లోకి ఎవరో ఆగంతకులు చొరబడ్డారని భ్రమపడి జరిపిన కాల్పుల్లో ఆమె మృతి చెందిందని పిస్టోరియస్ వాదించిన విషయం తెలిసిందే.

కాగా, రీవా హత్య కేసులో పిస్టోరియస్‌కు దాదాపు 15సంవత్సరాలకు పైగా జైలు శిక్షపడే అవకాశం ఉన్నట్లు తెలుస్తోంది. కోర్టు శిక్షను ప్రకటించాల్సి ఉంది.

English summary

Oscar Pistorius, the disabled track star who once commanded stellar heights of international competition at the Paralympic and Olympic Games, was found guilty on Friday of culpable homicide, equivalent to manslaughter, after being acquitted of murder charges for killing his girlfriend.