షేక్‌హ్యాండ్: ఆడ, మగ కవులకు కొరడా దెబ్బలు!

టెహ్రాన్: సాంప్రదాయ ఇరాన్ దేశంలో కవులకు, కళాకారులకు కష్టకాలం కొనసాగుతూనే ఉంది. కోర్టు తీర్పులతో అక్కడి ప్రభుత్వం కవుల స్వేచ్ఛకు సంకెళ్లు వేస్తోంది. తాజాగా ఆడ, మగ కవులు షేక్ హ్యాండ్ ఇచ్చి పుచ్చుకున్నారనే కారణంగా వారికి కొరడా దెబ్బల శిక్ష విధించింది. ఈ మేరకు అక్కడి కోర్టు తీర్పు ఇచ్చింది.

మిగతా కవులతో షేక్ హ్యాండ్ చేసినందుకు.. ప్రముఖ రచయితలు ఫాతిమా ఏక్తేసరీ, మోహిదీ ముసవి జంటకు ఇరాన్ కోర్టు కఠినమైన శిక్షను విధించింది. ఈ ఇద్దరికీ 99 కొరడా దెబ్బలు అమలు చేయాలని ఆదేశించింది.

గతంలో ఈ జంట కవులు ప్రభుత్వ అనుమతితోనే పుస్తకాలను ప్రచురించారు. అయితే ఇటీవల ఇరాన్‌లో రచయితలపై అణిచివేత విపరీతంగా పెరిగిపోయింది.

గత ఏడాది 30 మంది జర్నలిస్టులకు ఇరాన్ ప్రభుత్వం ఈ శిక్ష అమలు చేసింది. దేశాధ్యక్షుడు హసన్ రోహానీ పాలనలో కవులపై ఎదురుదాడి మరింత ముదిరిందన్న ఆరోపణలు వెల్లువెత్తున్నాయి.

English summary

Two Iranian poets are facing 99 lashes each for shaking hands with people of the opposite sex in one of the latest examples of harsh punishments meted out against writers and artists by Iran's judiciary, according to human rights advocates.