షాకిచ్చిన రష్యా: ఆ బాంబు పడితే ఒక దేశం ఔట్

మాస్కో: ప్రపంచంలోని శత్రు దేశాలకు హడలుపుట్టించడానికి రష్యా సిద్దం అయ్యింది. ప్రపంచంలోనే అత్యంత అత్యాధునిక అణు క్షిపణి తయారు చెయ్యాలని రష్యా నిర్ణయం తీసుకుంది.

దాదాపు 6,000 మైళ్లు (9,600 కిలోమీటర్లు) దూరంలోని లక్షాలను సమర్థవంతంగా అణు క్షిపణి చేరుకునేలా సతాన్-2 అనే అణు క్షిపణి రూపొందించాలని ప్రణాళిక తయారు చేసుకుంది. ఈ అణు క్షిపణికి ఒకే సారి 16 ప్రాంతాల్లో దాడిచేసే సత్తా ఉందని రష్యా పేర్కొంది.

వినడానికి భయంగా ఉన్న సతాన్-2 అణు క్షిపణి బటన్ ఒక్కసారి నొక్కితే ఫ్రాన్స్ లాంటి దేశాన్ని సర్వనాశనం చేసే సత్తా దీని సొంతం అని రష్యా పేర్కొంది. దీనిని కేవలం రెండు సంవత్సరాల్లో అందుబాటులోకి తీసుకురావడమే లక్షంగా పెట్టుకున్నామని రష్యా ప్రకటించింది.

సతాన్-2 క్షిపణి ప్రయోగిస్తే ఏర్పడే తీవ్రతను తెలియజేసే చిత్రాలను, ప్రణాళికను రష్యా విడుదల చేసింది. అమెరికా, జపాన్ చేసిన అణు బాంబుల కంటే సతాన్-2 అణు క్షిపణి వెయ్యి రెట్లు ఎక్కువ సామర్థ్యం కలిగింది. రష్యా భయంకరమైన అణు క్షిపణి తయారు చేయ్యడానికి సిద్దం అయిన నేపధ్యంలో ప్రపంచ దేశాలు ఎలా స్పందిస్తాయో వేచి చూడాలి.

English summary

Known colloquially as ‘Satan 2’, the missile will replace the RS-36M which was dubbed Satan by NATO after entering service in the 1970s.