గ్రీస్‌లో వేడుకగా అనిరుధ్-కావ్య మారన్ వివాహం.. ఫోటోలు వైరల్!

దక్షిణాది స్టార్ మ్యూజిక్ డైరెక్టర్ అనిరుధ్ రవిచందర్, సన్‌రైజర్స్ హైదరాబాద్ సహ యజమాని, సన్ నెట్వర్క్ ఎగ్జిక్యూటివ్ డైరెక్టర్ కావ్య మారన్ వైవాహిక జీవితంలోకి అడుగుపెట్టారు. గ్రీస్‌లో బుధవారం(నవంబర్ 11) అత్యంత సన్నిహితులు, కుటుంబ సభ్యుల సమక్షంలో డెస్టినేషన్ వెడ్డింగ్ ద్వారా వీరి వివాహం కన్నులపండవగా జరిగింది. వివాహానికి సంబంధించిన మొదటి ఫోటోను అనిరుధ్ రవిచందర్ తన సోషల్ మీడియా ఖాతా ద్వారా పంచుకోవడంతో నెటిజన్ల నుంచి శుభాకాంక్షలు వెల్లువెత్తుతున్నాయి.

హాజరైన రాజకీయ, సినీ ప్రముఖులు
గ్రీస్‌‌లో జరిగిన ఈ వివాహ వేడుకకు పలువురు ప్రముఖులు హాజరై నూతన వధూవరులను ఆశీర్వదించారు. అనిరుధ్ మేనమామ, సూపర్ స్టార్ రజనీకాంత్, ఐశ్వర్య రజనీకాంత్, తమిళనాడు మాజీ సీఎం ఎంకే స్టాలిన్, ఉదయనిధి స్టాలిన్ సహా పలువురు ప్రముఖులు కుటుంబ సమేతంగా ఈ పెళ్లి వేడుకల్లో పాల్గొన్నారు. ఈ పెళ్లి సందర్భంగా అనిరుధ్, కావ్య ఐవరీ రంగు సాంప్రదాయ దుస్తుల్లో ప్లాటినం, ముత్యాల ఆభరణాలతో ఎంతో అందంగా మెరిసిపోయారు. "నా జీవితంలో ఒక్కసారి లభించే అద్భుత బంధం.. జీవితాంతం నిలిచిపోయేది" అంటూ అనిరుధ్ పోస్ట్ చేయగా.. సన్ పిక్చర్స్ కూడా ఎక్స్(ట్విట్టర్) వేదికగా వీరి పెళ్లి ఫోటోను షేర్ చేస్తూ ప్రత్యేక శుభాకాంక్షలు తెలిపింది. ఐపీఎల్ ఫ్రాంచైజీ సన్‌రైజర్స్ హైదరాబాద్ కూడా ఈ జంటకు శుభాకాంక్షలు తెలుపుతూ ఫోటోలను షేర్ చేసింది.

సుదీర్ఘ ప్రేమ ప్రయాణం
గత కొన్నేళ్లుగా వీరిద్దరి ప్రేమాయణంపై సోషల్ మీడియాలో కథనాలు వచ్చినప్పటికీ.. ఇద్దరూ ఈ విషయాన్ని రహస్యంగా ఉంచారు. ఇటీవల కుటుంబ వేడుకల్లో కలిసి కనిపించిన ఈ జంట చివరికి డెస్టినేషన్ వెడ్డింగ్ ద్వారా తమ బంధాన్ని అధికారికం చేసుకున్నారు.

Wishing Kaviya and Anirudh all the happiness and love as they begin this new journey together!#KAVIYAandANIRUDH https://t.co/fCcowMqz49

— SunRisers Hyderabad (@SunRisers) November 11, 2026

నవంబర్ 21న చెన్నైలో గ్రాండ్ రిసెప్షన్
గ్రీస్‌‌లో కుటుంబ సభ్యుల మధ్య వివాహం ముగిసిన అనంతరం ఈ నెల 21న చెన్నైలో అత్యంత వైభవంగా రిసెప్షన్ నిర్వహించనున్నారు. ఈ వేడుకకు భారతీయ సినీ ప్రముఖులు, రాజకీయ నాయకులు, వ్యాపారవేత్తలు, క్రికెట్ దిగ్గజాలు పెద్ద ఎత్తున హాజరుకానున్నట్లు సమాచారం.

Heartiest congratulations to Kaviya and Anirudh on their wedding! ♥️✨#KAVIYAandANIRUDH https://t.co/fI8K4uNY1I

— Sun Pictures (@sunpictures) November 11, 2026

English summary

Music composer Anirudh Ravichander and Sunrisers Hyderabad co-owner Kavya Maran tied the knot in Greece. Check wedding photos, guest list, and reception details.