శృంగారంపై సర్వే: బ్రిటన్ పౌరులు నెలకు 4సార్లే చేస్తారట!
నెలలో 30సార్లు శృంగారం చేసే వాళ్లు కేవలం ఒక్కశాతం మాత్రమే ఉన్నారని ఈ సర్వేలో తేలింది. కాగా, ఎన్ని సార్లు పాల్గొన్నప్పటికీ తాము మాత్రం తమ శృంగార జీవితంలో సంతోషంగానే ఉన్నామని 63శాతం మంది చెబుతున్నారు.
ఇది కూడా ఇంతకుముందు చేసిన సర్వేతో పోలిస్తే.. 13శాతం తగ్గింది. అప్పటి సర్వేలో 76శాతం మంది సంతృప్తి వ్యక్తం చేశారని సర్వే తెలిపింది. ఇంటర్ నెట్ ద్వారా పరిచయం అయినవారితో తాము శృంగారంలో పాల్గొన్నట్లు ప్రతి ఏడుగురిలో ఒకరు చెప్పడం గమనార్హం. ఇంకా వేశ్యల వద్దకు వెళ్లి తమ కోర్కెను తీర్చుకున్నవాళ్లు 22శాతం మంది ఉన్నారు. 2008తో పోల్చితే ఇది 4శాతం పెరిగింది.
ఆన్లైన్లో 76శాతం మంది పురుషులు పోర్నోగ్రఫీ గురించి చదవితే, 53శాతం మంది మహిళలు ఎరోటికా గురించి చదివినట్లు తేలింది. తమకు 16ఏళ్లు వచ్చేలోపే కన్యత్వాన్ని కోల్పోయామని ప్రతి ఐదుగురు యువతుల్లో ఒకరు చెప్పారు. అంతేగాక, సగటున ప్రతి బ్రిటన్ పౌరుడికి పదిమంది శృంగార భాగస్వాములు ఉన్నారని సర్వే వెల్లడించింది. ఇది 2008తో పోల్చితే స్వల్పంగా పెరిగిందని తెలిపింది.