జపాన్‌లో మంచు విలయం: రికార్డు స్థాయిలో హిమపాతానికి 30 మంది బలి !

శీతాకాల వాతావరణ ప్రభావంతో జపాన్‌ను భారీ హిమపాతం ముంచెత్తింది. అంతర్గత వ్యవహారాలు, సమాచార మంత్రిత్వ శాఖకు చెందిన అగ్నిమాపక, విపత్తు నిర్వహణ సంస్థ ప్రకారం.. జనవరి 20 నుండి ఇప్పటివరకు 30 మంది ప్రాణాలు కోల్పోగా, 324 మంది గాయపడ్డారని తెలుస్తోంది. దీంతో ఈ వ్యవహారం ప్రపంచ వ్యాప్తంగా తీవ్ర చర్చనీయాంశంగా మారింది.

ఫిబ్రవరి 2న స్థానిక సమయం మధ్యాహ్నం 1:30 గంటల నాటికి.. ఈ హిమపాతం ఎనిమిది ప్రిఫెక్చర్‌లలో నష్టాన్ని కలిగించింది. అత్యంత దారుణంగా ప్రభావితమైన ప్రిఫెక్చర్‌లో 12 మరణాలు, 97 గాయాలు నమోదయ్యాయి. మంచు తీసే సమయంలో పైకప్పుల నుండి పడి, లేదా పేరుకుపోయిన మంచులో కూరుకుపోయి అనేక మంది ప్రాణాలు కోల్పోయారని సమాచారం.

అలానే స్థానిక వాతావరణ కార్యాలయం ప్రకారం ఫిబ్రవరి 1న టోకామాచిలో మంచు 255 సెం.మీ.కు చేరింది. హిమపాతం కొనసాగుతుండగా.. ప్రిఫెక్చర్‌ ప్రభుత్వం మరిన్ని ప్రమాదాలపై హెచ్చరించింది. ఈ మేరకు భారీ హిమపాత ప్రతిస్పందన కేంద్రాన్ని ఏర్పాటు చేసి, మంచు తొలగింపులో తగు జాగ్రత్తలు తీసుకోవాలని నివాసితులను కోరింది.

భారీ మంచు ఈశాన్య జపాన్‌లోని ఆమోరి ప్రిఫెక్చర్‌నూ కమ్మేసింది. అక్కడ 183 సెం.మీ. మంచు చేరింది, ఇది వార్షిక సగటుకు 2.7 రెట్లు. అధిక మంచుతో పైకప్పులు కూలిపోయే ప్రమాదం ఉందని స్థానిక అధికారులు హెచ్చరించి, తక్షణ నివారణ చర్యలను కోరారు. ప్రజలు అప్రమత్తంగా ఉండాలని సూచిస్తున్నారు.

English summary

A severe winter snowstorm has struck Japan, causing deaths and injuries across multiple prefectures. Niigata and Amori report significant snow accumulation and related hazards. Authorities urge caution, implement a regional response centre, and advise residents on safe snow removal and avoidance of risky areas. Key impact areas include transportation and housing safety.