అయ్యో పాపం అన్నారా... జైలుకెళ్తారు.. జాగ్రత్త!

ఖతార్ కు అనుకూలంగా, సానుభూతితో కూడిన వ్యాఖ్యలతో వార్తలు ప్రచురించినా, సోషల్ మీడియాలో ప్రసారం చేసినా 3 నుంచి 15 ఏళ్ల వరకు జైలుశిక్ష లేదా 5 లక్షల దిర్హామ్స్ జరిమానా చెల్లించాల్సి ఉంటుందంటూ యూఏఈ తాజాగా న

దుబాయ్: గల్ఫ్ దేశాల నడుమ సంక్షోభం పతాకస్థాయికి చేరింది. ఇప్పటికే ఖతార్ కు విమాన సర్వీసులు రద్దు చేసిన యునైటెడ్ అరబ్ ఎమిరేట్స్ (యూఏఈ) తాజాగా మరో నిర్ణయం తీసుకుంది. ఖతార్ కు అనుకూలంగా, సానుభూతితో కూడిన వ్యాఖ్యలతో వార్తలు ప్రచురించడాన్ని కూడా నిషేధించింది.

ఈ ఆదేశాలను అతిక్రమించి ఎవరైనా ప్రచురిస్తే 3 నుంచి 15 ఏళ్ల వరకు జైలుశిక్ష అనుభవించాల్సి ఉంటుందని ప్రభుత్వం తీవ్ర హెచ్చరిక జారీ చేసింది. ఈ విషయాన్ని యూఏఈకి చెందిన వార్తాపత్రికలు గల్ఫ్ న్యూస్, పాన్ అరబ్ చానెల్ అల్ అరేబియా వెల్లడించాయి.

'ఖతార్ పై సానుభూతిపరమైన వార్తలు ప్రచురించినా, రాతపూర్వకంగా, సోషల్ మీడియా, విజువల్స్ రూపంలో అయినా సరే వార్తలు ప్రచురించడానికి, ప్రసారం చేయడానికి వీల్లేదు..'అంటూ యూఏఈ అటార్నీ జనరల్ హమద్ సైఫ్ అల్ షామ్సి ఓ ప్రకటన విడుదల చేశారు.

నిషేధానికి విరుద్ధంగా ఎవరైనా ప్రవర్తిస్తే వారికి జైలు శిక్ష లేదా 5 లక్షల దిర్హామ్స్ జరిమానా విధించనున్నారు. ఉగ్రవాదులకు మద్దతిస్తోందని ఆరోపిస్తూ సౌదీ అరేబియా, యూఏఈ, బహ్రెయిన్‌తో పాటు మరికొన్ని దేశాలు ఖతార్‌తో సంబంధాలు తెంచుకున్న విషయం తెలిసిందే.

ఇప్పటికే యూఈఏ ఖతార్‌కు వెళ్లే విమానాలను రద్దు చేసింది. ఖతార్‌లోని దోహాకు రాకపోకలు సాగించే విమానాలు తమ గగనతలాన్ని వాడుకోవడంపైనా యూఏఈ ఆంక్షలు విధించింది. ఇప్పుడు తాజాగా వార్తల ప్రచురణపై కూడా నిషేధం విధించింది.

English summary

Showing sympathy for Qatar on social media or through any other means is a crime punishable by law, the UAE Attorney-General has warned. In a statement issued to the Arabic language media on Wednesday, Dr Hamad Saif Al Shamsi said the UAE has taken a firm stance against Qatar's hostile and irresponsible policies towards the UAE and other GCC and Arab nations. "The tough decisions were taken in order to protect UAE's national security, its supreme interests and interests of its people," underlined Al Shamsi."Strict and tough action will be taken against anyone who shows sympathy or any form of favouritism towards Qatar, or against anyone who objects to the position of the UAE, whether through social media, or any other forms of communication."The Federal Public Prosecution said that according to the Federal Penal Code and the Federal law on Combating Information Technology Crimes, anyone who threatens the interests, national unity and stability of the UAE faces a jail term of three to 15 years and a fine not less than Dh500,000.