భారత సరిహద్దు లక్ష్యంగా పాక్ గగనతలంనుంచే దాడులు చేశాం: పాకిస్తాన్
ఇస్లామాబాద్ : భారత సరిహద్దులో వైమానిక దాడులు చేసిందని పాక్ ధృవీకరించింది. అయితే ఈ దాడులను తమ గగనతలం నుంచే చేసినట్లు పాక్ వెల్లడించింది. అయితే తాము చేసిన దాడులు ప్రతీకార చర్యల్లో భాగంగా కాదని తమ భూభాగం, గగనతలంను పరిరక్షించుకునే క్రమంలోనే దాడులు చేశామని ఒక ప్రకటన విడుదల చేసింది పాక్ ప్రభుత్వం.
పాకిస్తాన్ దాడులు కూడా చేసింది జనసమర్దత లేని ప్రాంతాల్లోనే అని వెల్లడించింది. దేశరక్షణలో భాగంగానే దాడులు చేశామంటూ ప్రకటనలో పేర్కొంది పాకిస్తాన్. అయితే యుద్ధ వాతావరణం సృష్టించాలన్నది తమ అభిమతం కాదని పాక్ వెల్లడించింది. ఒకవేళ భారత్ రెచ్చగొట్టే పనులకు దిగితే తాము కూడా ఊరుకోబోమని దాడులకు దిగుతామని పాక్ స్పష్టం చేసింది. హెచ్చరికల్లో భాగంగానే పట్టపగలే వైమానిక దాడులు చేశామని పాక్ ప్రభుత్వం ప్రకటన విడుదల చేసింది.
Pakistan Prime Minister Imran Khan: If a war takes place, it will not be in my or Narendra Modi's control. If you want any kind of talks on terrorism, we are ready. Better sense must prevail. We should sit down & talk pic.twitter.com/XydmNgLYYC
— ANI (@ANI) February 27, 2019
సరిహద్దుల్లో ఎలాంటి అలజడి లేకుండా ఉండేందుకు ప్రయత్నిస్తున్నామని భారత్ గతకొన్నేళ్లుగా చెబుతోందని గుర్తు చేసిన పాక్.. యుద్ధానికి దిగేలా రెచ్చగొడుతోందని వెల్లడించింది. ఎలాంటి ఆధారాలు లేకుండా ఉగ్రవాదుల పేరుతో పాకిస్తాన్లో దాడులు చేయడం తగదని చెప్పిన పాక్... అలాంటి చర్యలకు దిగితే పాక్లో జరుగుతున్న ఉగ్రదాడులకు భారత్ను కారణంగా చూపి తాము కూడా దాడులకు పాల్పడుతామని తెలిపింది. అయితే ఆ దారిలో వెళ్లడం సరైన పద్ధతి కాదని చెప్పిన పాక్ భారత్ శాంతికి అవకాశం ఇచ్చి చూడాలని పేర్కొంది. సమస్యలను చర్యల ద్వారా పరిష్కరించుకుందామని పిలుపునిచ్చింది.
ఇదిలా ఉంటే పాకిస్తాన్కు చెందిన యుద్ధ విమానాలు జమ్మూ కశ్మీర్లోని నౌషెరా సెక్టార్ గగనతలంలోకి బుధవారం ఉదయం ప్రవేశించాయి. వెంటనే భారత యుద్ద విమానాలు స్పందించడంతో పాక్ యుద్ధ విమానాలు తిరిగి తమ గగనతలంలోకి వెళ్లాయి. ఇక భారత్ విదేశాంగ ప్రతినిధి మీడియా సమావేశం నిర్వహించారు. భారత్కు చెందిన ఒక మిగ్ విమానంను పాక్ దళాలు అటాక్ చేశాయని అదే సమయంలో భారత్ కూడా పాక్కు చెందిన ఓ యుద్ధ విమానాన్ని కూల్చివేసినట్లు స్పష్టం చేశారు. మరోవైపు మిగ్ విమానంలో ఉన్న భారత పైలట్ అదృశ్యమయ్యారని రవీష్ కుమార్ తెలిపారు.
Click it and Unblock the Notifications
Sign in with Google