మొదలైన అమెరికా, ఇరాన్ మధ్య శాంతిచర్చలు.. ప్రపంచానికి ఉత్కంఠ!
అమెరికా, ఇరాన్ మధ్య శాంతిచర్చలు స్విట్జర్లాండ్లో మొదలయ్యాయి. స్విట్జర్లాండ్లోని లేక్ ల్యూసెర్న్ దగ్గర ఉన్న బర్గెన్స్టాక్ రిసార్ట్లో ఈ చర్చలు జరుగుతున్నాయని ఖతార్ విదేశాంగ మంత్రిత్వ శాఖ అధికారికంగా చెప్పింది. ఈ చర్చలు సఫలం అయితే మధ్యప్రాచ్యంలో చాలా కాలం నుంచి ఉన్న ఉద్రిక్తతలు తగ్గి శాంతి వస్తుందని అందరూ ఆశపడుతున్నారు.
ఖతార్, పాకిస్థాన్ మధ్యవర్తులుగా అమెరికా, ఇరాన్ మధ్య శాంతిచర్చలు
అమెరికా తరపున ఉపాధ్యక్షుడు జేడీ వాన్స్, స్టీవ్ విట్కాఫ్, జారెడ్ కుష్నర్ లాంటి ముఖ్యులు హాజరయ్యారు. ఇరాన్ వైపు నుంచి పార్లమెంట్ స్పీకర్ మహమ్మద్ గాలిబాఫ్, విదేశాంగ మంత్రి అబ్బాస్ అరాగ్చీ నేతృత్వంలో బృందం వచ్చింది. ఖతార్, పాకిస్థాన్ ఈ చర్చల్లో మధ్యవర్తులుగా పని చేస్తున్నాయి.
శాశ్వత శాంతి ఒప్పందం కోసం శాంతి చర్చలు
ఖతార్ చెప్పినట్టు, ఇంతకు ముందు జరిగిన అవగాహనలన్నీ పరిగణలోకి తీసుకుని ఒక మంచి, శాశ్వత శాంతి ఒప్పందం కుదుర్చుకోవాలని లక్ష్యంగా ఈ శాంతి చర్చలు జరుగుతున్నాయి. దీనికోసం అవగాహన ఒప్పందంలోని అంశాల వారీగా తుది ఒప్పందంపై చర్చలు జరిపేందుకు ప్రత్యేక బృందాలను ఏర్పాటు చేసినట్లు ఖతార్ వెల్లడించింది. ఖతార్ పాకిస్థాన్తో కలిసి మధ్యవర్తిత్వం ద్వారా ఈ ప్రయత్నాలను ముందుకు తీసుకెళ్తుందని తెలిపింది.
ఖతార్, పాకిస్తాన్ మధ్యవర్తులతో విడివిడిగా సమావేశాలు
చర్చలు మొదలవడానికి ముందు అమెరికా ప్రతినిధులు పాకిస్థాన్ ప్రధాని షెహబాజ్ షరీఫ్, ఆర్మీ చీఫ్ అసిమ్ మునీర్లతో కలిసి మాట్లాడారు. ఇరాన్ వాళ్లు కూడా ఖతార్, పాక్ అధికారులతో విడివిడిగా సమావేశాలు జరిపారు. ఈ చర్చలు మొదట శుక్రవారం మొదలు కావాల్సి ఉండగా, లెబనాన్ పై ఇజ్రాయెల్ దాడుల వల్ల కాస్త ఆలస్యమైంది. ఇరాన్ హర్మూజ్ జలసంధిని కాసేపు మూసేస్తామని చెప్పినా, తర్వాత రవాణా కోసం మళ్లీ తెరవడానికి అంగీకరించింది.
చర్చలు సక్సెస్ అయితే శాంతించనున్న మధ్య ప్రాచ్యం
యుద్ధ విరమణ అవగాహన ఒప్పందం ప్రకారం శాంతి పునరుద్ధరణకు చర్చలు జరిపి 60 రోజుల్లో తుది ఒప్పందానికి రావాల్సి ఉంది. ఇరాన్ విదేశాంగ మంత్రి అబ్బాస్ అరాగ్చీ స్విట్జర్లాండ్ విదేశాంగ మంత్రితో కూడా కలిసి మాట్లాడారు. ఈ చర్చలు సక్సెస్ అయితే మధ్యప్రాచ్యంలో ఉద్రిక్తతలు తగ్గి, ఆర్థికం, భద్రత వంటి అన్ని విషయాల్లో మెరుగైన మార్పులు వస్తాయని రాజకీయ నిపుణులు అంటున్నారు.
యూఎస్ ఇరాన్ చర్చలపై ప్రపంచవ్యాప్త ఆసక్తి
ప్రపంచం నలుమూలలా ఈ చర్చలపై ఆసక్తి పెరిగింది. ఇరాన్ అణు కార్యక్రమం, ప్రాంతీయ భద్రత వంటి ముఖ్యమైన అంశాలు ఈ చర్చల్లో భాగంగా ఉండనున్నాయి.హర్మూజ్ జలసంధి ప్రస్తుతం రవాణాకు తెరిచే ఉందని అమెరికా ఉపాధ్యక్షుడు జేడీ వాన్స్తో పాటు అమెరికా సెంట్రల్ కమాండ్ వెల్లడించాయి. ఈ నేపథ్యంలో ప్రాంతీయ ఉద్రిక్తతల మధ్య జరుగుతున్న చర్చలపై సర్వత్రా ఆసక్తి నెలకొంది.
Click it and Unblock the Notifications
Sign in with Google