కలిసి తాగారు, గదిలో బాయ్‌ఫ్రెండ్ కౌగిలించుకోలేదని...

వాషింగ్టన్: కౌగిలించుకోనందుకు ఓ యువతి తన బాయ్ ఫ్రెండ్‌ను కత్తితో పొడిచే ప్రయత్నం చేసింది. ఈ ఘటన అమెరికాలోని ఫ్లోరిడాలో జరిగింది. పోలీసులు నిందితురాలు ముప్పయ్యొక్క ఏళ్ల షవోన్నా రంప్‌ను అరెస్టు చేశారు. శనివారం రాత్రి ఫ్లోరిడాలోని మనాటీలో గల తమ నివాసంలో షవోన్నా రంప్, ఆమె బాయ్ ఫ్రెండ్ మద్యం తాగారు.

అనంతరం వారు పడక గదికి వెళ్లి పడుకున్నారు. ఈ సమయంలో షవోన్నా తన బాయ్ ఫ్రెండ్‌ను కౌగిలించుకోవాల్సిందిగా అడిగింది. దీనికి అతను నిరాకరించాడు. వారి మధ్య గొడవ జరిగింది.

ఆగ్రహం పట్టలేక షవోన్నా తన బాయ్ ఫ్రెండ్ చొక్కాను పట్టుకొని లాగింది. ఈ సమయంలో బాయ్ ఫ్రెండ్ అపార్టుమెంటు నుండి బయట పడేందుకు ప్రయత్నించాడు.

కానీ, షవోన్నా ఆ అవకాశం ఇవ్వలేదు. ఓ కత్తిని తీసి అతనిని పొడిచే ప్రయత్నం చేసింది. అతనిని వేధించినందుకు పోలీసులు ఆమెను అరెస్టు చేశారు. అనంతరం 250 డాలర్ల బాండు సమర్పించడంతో విడుదల చేశారు.

English summary

A woman was arrested for assulting her boyfriend and charged with misdemeanor domestic battery.