డామ్రే తుపాను బీభత్సం... 49 మంది మృతి

వియత్నాం, మలేసియాలో కుండపోత వానలు, పెను గాలులతో డామ్రే తుపాను సృష్టిస్తోన్న పెను బీభత్సానికి ఇప్పటి వరకు 49 మంది బలయ్యారు. ఈ తుపాను ధాటికి వియత్నాంలో 49 మంది ప్రాణాలు కోల్పోగా..

హనోయ్‌: వియత్నాం, మలేసియాలో కుండపోత వానలు, పెను గాలులతో డామ్రే తుపాను సృష్టిస్తోన్న పెను బీభత్సానికి ఇప్పటి వరకు 49 మంది బలయ్యారు. ఈ తుపాను ధాటికి వియత్నాంలో 49 మంది ప్రాణాలు కోల్పోగా.. మరో 22 మంది గల్లంతయ్యారు.

వియత్నాంలో గంటకు 130 కిలోమీటర్ల వేగంతో వీస్తున్న గాలుల కారణంగా 40 వేలకు పైగా ఇళ్లు ధ్వంసమయ్యాయి. లోతట్టు ప్రాంతాలు జలమయమై ప్రజలు తీవ్ర ఇబ్బందులు పడుతున్నారు. అదేవిధంగా మలేసియాలో తుపాను బీభత్సానికి ఐదుగురు మృతిచెందారు.

ఏకధాటిగా 15 గంటలపాటు కురిసిన వర్షానికి కొన్నిచోట్ల 12 అడుగుల మేర నీరు నిలిచింది. లోతట్టు ప్రాంతాల్లోని మూడువేల మందికిపైగా ప్రజలను మలేసియా ప్రభుత్వం సురక్షిత ప్రాంతాలకు తరలించింది.

ఆసియా, పసిఫిక్‌ ఆర్థిక సహకార(ఎపెక్) సదస్సుకు వస్తున్న దేశాధినేతలకు ఆతిథ్యమిచ్చేందుకు సిద్ధమవుతున్న వేళ సంభవించిన ప్రకృతి విపత్తుతో వియత్నాం ప్రభుత్వం అప్రమత్తమైంది. యుద్ధప్రాతిపదికన సహాయ చర్యలు చేపట్టింది.

English summary

The death toll from the typhoon that struck Vietnam at the weekend has risen to at least 49, the Vietnamese Government has said. After Typhoon Damrey's winds tore off roofs, felled trees and ripped up electricity poles; heavy rains brought floods to central Vietnam just days before the region is due to host the APEC summit of Asia-Pacific leaders. The Communist state's Steering Committee for Disaster Prevention said 49 people had been killed and 27 were missing. It did not say how the victims died, but said most casualties were in Khan Hoa province near the city of Nha Trang, where the storm made landfall on Saturday. Nearly 2,000 homes had collapsed and more than 80,000 had been damaged, it said.