ఐర్లాండ్ ప్రధాని రేసులో భారతీయ గే: ఎవరీ లియో వరద్కర్?

ఐర్లాండ్‌లో నివసిస్తున్న భారత సంతతికి చెందిన గే ఆ దేశ ప్రధాని పదవి చేపట్టే అవకాశాలున్నాయి. డబ్లిన్‌లో నివసిస్తున్న డాక్టర్ లియో వరద్కర్ (38) ప్రస్తుతం ఐర్లాండ్ ప్రభుత్వంలో సంక్షేమ శాఖ మంత్రిగా ఉన్నార

ఐర్లాండ్: ఐర్లాండ్‌లో నివసిస్తున్న భారత సంతతికి చెందిన గే ఆ దేశ ప్రధాని పదవి చేపట్టే అవకాశాలున్నాయి. డబ్లిన్‌లో నివసిస్తున్న డాక్టర్ లియో వరద్కర్ (38) ప్రస్తుతం ఐర్లాండ్ ప్రభుత్వంలో సంక్షేమ శాఖ మంత్రిగా ఉన్నారు.

ఆయన తండ్రిది ముంబై. తల్లిది ఐర్లాండ్. వరద్కర్ 2015లో తాను స్వలింగ సంపర్కుడినని ప్రకటించి సంచలనం సృష్టించారు. ఇప్పుడు ప్రధానిగా గెలిస్తే ఆ పీఠం ఎక్కిన మొట్టమొదటి స్వలింగ సంపర్కుడిగా రికార్డులకెక్కుతారు.

ఇప్పటికే క్యాబినెట్‌లోని పలువురు సీనియర్ మంత్రులు, మెజారిటీ ఎంపీలు వరద్కర్‌కు బహిరంగంగా మద్దతు పలుకుతున్నారు. ఐర్లాండ్ ప్రధాని ఎండా కెన్నీ ఇటీవలే తాను పదవి నుంచి తప్పుకొంటున్నట్టు ప్రకటించారు.

దీంతో తాను ప్రధాని పదవికి పోటీ చేయనున్నట్టు వరద్కర్ ప్రకటించారు. ఆ దేశ గృహనిర్మాణశాఖ మంత్రి సిమ్సన్ కొవెన్నీ సైతం రేసులో ఉన్నారు.

లియో వరద్కర్ ప్రధాని అయితే అతి చిన్న వయస్సులో ప్రధాని అయిన వ్యక్తిగా కూడా ఉంటారు.

వరద్కర్ తండ్రి అశోక్. ఆయన వృత్తిరీత్యా డాక్టర్. తల్లి మిరియమ్. ఆమె నర్సుగా పని చేశారు. 1970లలో ఇంగ్లాండులో పని చేసే సమయంలో ఇరువురు కలుసుకున్నారు. ఆ తర్వాత ఇంగ్లాండులో పెళ్లి చేసుకున్నారు. అనంతరం ఐర్లాండులోని డబ్లిన్‌కు వచ్చారు. వరద్కర్ అక్కడే జన్మించారు.

English summary

Varadkar, if elected, will be the youngest leader to hold prime ministerial office. Currently, he is serving as the Minister for Social Protection in Ireland. Irish PM Enda Kenny resigned as head of the governing Fine Gael party, putting Varadkar and Housing Minister Simon Coveney in the leadership race.